Күөн күрэскэ кыттыҥ!

СӨ Тас сибээскэ уонна норуоттар дьыалаларыгар министиэристибэтэ өйөбүллээх Өксөкүлээх Өлөксөй аатынан норуоттар доҕордоһууларын дьиэтэ ахсынньы 1 күнүттэн 27 күнүгэр диэри Саҥа Дьылга аналлаах алгыстаах эҕэрдэлэри суруйууга аһаҕас куонкурус биллэрэр.

Бу күөн күрэскэ 18-н үөһэ саастаах сахалыы суруйар дьон кыттар. Кыттааччы куонкуруска Саҥа Дьылга аналлаах алгыс тыллардаах эҕэрдэ хоһоонунан кыттар (1-2 үлэни ыытыахтарын сөп. Биир суруйуу 28 устуруокаттан уһун буолуо суохтаах. Кыттааччы ыыппыт суруйуута (алгыс тыллаах хоһооно) аккырыыкка буолан тахсарыгар, саайтарга тахсарыгар тута сөбүлэҥин биэрэр.

⁣Толору сайаапкаҕытын Suraluma@bk.ru («алгыс» диэн бэлиэтээн ыытаҕыт).
Сиһилии бу нүөмэргэ эрийэн чопчулаһыҥ: Любовь Егоровна 8 (914) 100- 88-74

Өксөкүлээх Өлөксөй аатынан норуоттар доҕордоһууларын дьиэтин пресс-сулууспата