СӨ Доруобуйа харыстабылын министиэристибэтин түмүк кэллиэгийэтин чэрчитинэн, Дьокуускайга “Кыһамньылаах доруобуйа харыстабыла: теорияттан быраактыкаҕа” кэмпириэнсийэ саҕаланна.
Кэмпириэнсийэ атын эрэгийиэн бэрэстэбиитэллэрэ онлайн-кыттыылаах ыытыллар.
Ил Дархан Айсен Николаев доруобуйаны харыстыырга тустаах (персонализированнай) сыһыаны ирдиир соруктары өрөспүүбүлүкэ доруобуйатын харыстабылыгар туруорбута. Ол Ил Дархан уопсастыба доруобуйатын бөҕөргөтүүгэ стратегическай хайысхалар уонна эрэгийиэн доруобуйатын харыстабылын систиэмэтин сайыннарыы туһунан Ыйааҕар быһаарыллаллар.
«Эмтэнээччилэр ханнык поликлиникаҕа кэлэллэрэ, нэһилиэктэригэр, улуустарыгар уонна өрөспүүбүлүкэ тэрилтэлэригэр хаачыстыбалаах мэдиссиинискэй өҥөнөн төһө түргэнник туһаналлара биһигиттэн, хас биирдиибититтэн тутулуктаах. Биһиги бары эмтэнээччилэр доруобуйаларын бөҕөргөтөллөрүгэр уонна олох хаачыстыбатын тупсарарга анаммыт доруобуйаны харыстыыр эйгэни оҥоробут», — диэтэ вице-премьер Ольга Балабкина.
Кэмпириэнсийэҕэ бэйэлэрин эрэгийиэннэригэр технологиялары кыһамньылаахтык киллэрии үөрүйэҕин Сахалин уобалаһын доруобуйа харыстабылын миниистирин бастакы солбуйааччы Станислав Алтухов, Тюмень уобалаһыгар бастакы сүһүөх мэдиссиинискэй-санитарнай көмөнү тэрийии эрэгийиэннээҕи киинин салайааччыта Виктория Шуплецова уонна да атыттар үллэстиэхтэрэ.
Кыттааччылар бэлиэтииллэринэн, кэмпириэнсийэ түмүктэрэ өрөспүүбүлүкэ доруобуйатын харыстабыла салгыы сайдарыгар тирэх буолуохтара.
Ыйытыы: Көһөрүү (перевод) быһыытынан атын тэрилтэҕэ барар буоллахха, харчынан толуйууну (компенсация) ылбакка, атын тэрилтэҕэ кини…
Кулун тутар уонна муус устар ыйдарга Улан-Батор куоракка Монгол цииркэтин сайыннарар киин 10 сыллаах үбүлүөйүн…
Бүгүн, муус устар 27 күнүгэр, Ил Дархан АЙсен Николаев Российскай Федерация уонна Саха Өрөспүүбүлүкэтин судаарыстыбаннай…
Өрөспүүбүлүкэ күнүнэн СӨ Бырабыыталыстыбатын бэрэссэдээтэлин солбуйааччы Анатолий Семенов биллиилээх бэлитиичэскэй диэйэтэл Илья Егорович Винокуров пааматынньыгар…
Дьааҥы улууһун Суордаах нэһилиэгэ быйылгы халаан уутун этэҥҥэ аһарарга эрдэттэн дьаһаммыта. Оннук хабааннаах үлэлэр тэрилиннилэр.…
Судаарыстыбаннай Дуума дьокутаата, нолуок уонна бүддьүөт кэмитиэтин чилиэнэ Галина Данчикова Арассыыйа парламентаризмын күнүнэн эҕэрдэлээтэ. "Саха…