Кыһыл дэриэбинэ интэриниэти туруорсар

Нам улууһун Кыһыл  сэлиэнньэтин киһитин ахсаана аҕыйах буолан, интэриниэт сибээһин лииньийэтин холбуурга уустуктардаах эбит.

Бу боппуруоһу олохтоохтор бүгүн ситэриилээх былаас отчуотугар туруорустулар.
Кэлиҥҥи сылларга сыстыганнаах дьаҥынан сибээстээн, дьиэҕэ олоруу ирдэбиллээх кэмигэр оҕолор куйаар ситиминэн үөрэнэ сылдьыбыттара. Онон олохтоохтор интэриниэттэрэ суох буолан, уустук балаһыанньаҕа киирэн ылбыттар. Бу туһунан нэһилиэк баһылыга Иван Ноговицын ситэриилээх былаас отчуотугар иһитиннэрдэ.

Онон бу сытыы боппуруоһу боротокуолга киллэрэн, олохтоох салалта салгыы олохтоохтук үлэлэһиэх буолла.