Кыһыл көмүс баар! Бөҕөстөр Михайлов уонна Охлопков Арассыыйа чөмпүйэнээтин кыайыылаахтара буоллулар

Олунньу 4-6 күннэригэр Орел куоракка мөлтөхтүк истэр спортсменнар ортолоругар Арассыыйа юниордарга чөмпүйэнээтэ ыытылынна.

Онно биһиги бөҕөстөрбүт икки кыһыл көмүс, биир кыһыл көмүс мэтээли ыллылар. Күрэхтэһиигэ барыта 16 эрэгийиэн хамаандата кытынна.

Саха сирин юниордарын сүүмэрдэммит хамаандатыгар Кирилл Охлопков (57 кг) уонна Андрей Михайлов (61 кг) кыһыл көмүс мэтээли ыллылар.

Оттон Арылхан Гаврильев (70 кг) уонна Амархан Брусенин (74 кг) хамаандаҕа үрүҥ көмүс мэтээллэри аҕаллылар. Уопсай түмүккэ өрөспүүбүлүкэ хамаандата иккис миэстэни ылла.

Василий Стрекаловскай уонна Эрчимэн Макаров салалталаах хамаанда бэртээхэй түмүктэри ситистэ. Бу иннинэ греко-римскэй тустууга, ити стартан биһиги спортсменнарбыт биир үрүҥ көмүс, икки боруонса мэтээли ылбыттара, диэн иһитиннэрэр “Спорт Якутии” саайт.