Хаартыска: sakha.gov.ru
Саха сирин Бэтэринээрийэ управлениета дойду сүрүн тыа хаһаайыстыбатын пуорумугар — Москваҕа ыытыллыбыт 27-с Арассыыйатааҕы агробырамыысыланнай «Кыһыл көмүс күһүн» быыстапкаҕа Саха сирин аатыттан ситиһиилээхтик кытынна.
СӨ Тыатын хаһаайыстыбатын министиэристибэтэ иһитиннэрбитинэн, эспиэрдиир хамыыһыйа үлэтин түмүгүнэн, Бэтэринээрийэ управлениетын үс сайаапката бириистээх миэстэлэргэ тиксибиттэр.
«Аҕа дойду Улуу сэриитигэр Кыайыы 80 сылынан, Арассыыйаҕа Аҕа дойдуну көмүскээччи, Саха сиригэр Ийэ дойдуну көмүскээччи сылларынан өрөспүүбүлүкэ Бэтэринэрийэтин управлениета «Эрэгийиэҥҥэ бэтэринээрийэ устуоруйатын, үгэстэрин харайыы, эрэгийиэн исписэлиистэрин, Аҕа дойду Улуу сэриитин, үлэ фронун уонна байыаннай дьайыы кыттыылаахтарын өйдөбүнньүктэрин үйэтитиигэ кылааттарын иһин» диэн анал аат кыһыл көмүс мэтээлинэн наҕараадаланна, — диэн министиэристибэ пресс-сулууспата бэлиэтиир.
Салгыы «РФ субъегын сиригэр-уотугар сыстыганнаах сүөһү ыарыыларын сэрэтэр уонна суох оҥорор бырагырааманы оҥоруу уонна олоххо киллэрии иһин» анал аакка үрүҥ көмүс мэтээлинэн наҕараадаланна.
Өссө биир үрүҥ көмүс мэтээли управление «РФ субъегар инфекционнай ыарыылары бохсор тэрээһиннэри көдьүүстээхтик олоххо киллэрии, кыылларга сыстыганнаах ыарыылары бохсуу уонна суох оҥоруу иһин» анал аакка ылла.
«Кыһыл көмүс күһүн» диэн Арассыыйаҕа дойду иһинээҕи агробырамыысыланнай комплекс ситиһиилэрин көрдөрөр бөдөҥ быыстапка буолар, диэн иһитиннэрэр Ил Дархан, бырабыыталыстыба пресс-сулууспата.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…