«Кыһыл көмүс» ыаллар «Дьиэ кэргэн килбиэнэ» бэлиэнэн наҕараадаланнылар

Айталина Пркопьевна, Алексей Дмитриевич Поповтар 50 сыл устата сүбэлэрин холбоон, тапталларын харыстаан, бииргэ олорбуттара 50 сыл буолла. «Кыһыл көмүс» сыбаайбаларын бэлиэтээбиттэрэ. Дьиэ кэргэн, таптал, бэриниилээх буолуу күнүгэр Өрөспүүбүлүкэ болуоссатыгар кинилэргэ «Дьиэ кэргэн килбиэнэ» бочуоттаах бэлиэни туттардылар.

— Наһаа үөрэн, долгуйан турабыт. Күммүт сайыҥҥылыы чаҕылхай буолла, сарсыардаттан күлүмүрдүү тыган, үөрүүбүтүн үрдэттэ. Туймаада туонатыгар өссө биир эдэркээн ыал баар буолла. Бүгүҥҥү бырааһынньыгынан барыгытын итиитик-истиҥник эҕэрдэлиибит, дьолу-соргуну баҕарабыт! — диэн Поповтар үөрүүлэрин үллэһиннилэр.

Поповтар түөрт оҕону төрөтөн, улаатыннаран, үлэһит, ыал оҥортообуттара. Сиэннэриттэн күннэрэ-ыйдара тахсар. Оҕолоро, сиэннэрэ бу үөрүүлээх күн тэҥҥэ үллэстэ сылдьаллар.

Айталина Прокопьевна 46 сыл устата оскуолаҕа учууталынан, завуһунан, дириэктэринэн үлэлээбитэ, Чурапчыттан төрүттээх. Алексей Димтриевич 48 сыл устата сир сыһыаннаһыыларыгар исписэлииһинэн үлэлээбитэ. Намҥа олорон баран, Дьокуускайга көһөн кэлбиттэрэ 20-тэн тахса сыл буолбут.

Маннык үтүө, мааны ыаллар эдэр паараларга холобур буолаллар.