Кыһыл оҕолоох эдэр ыал Өлүөнэ өрүһү туораабытынан бэрэбиэркэ ыытыллар

Саха сиригэр биир дьиэ кэргэн Өлүөнэ эбэ мууһа тура илигинэ өрүһү туораатылар. Эбиитин саҥа күн сирин көрбүт кыһыл оҕолоохтор.

Бу биллибит түгэнинэн быраабы араҥаччылыыр уорганнар ситэриилээх былаас уорганнарын үлэһиттэрэ ылсан үлэлиэхтэрэ.

Эр киһини уонна дьахтары кыра оҕо көтөҕүүлээх сэтинньи 9 күнүгэр Өлүөнэ эбэҕэ бэлиэтии көрбүттэр. Кинилэр оҕо төрүүр балыыһаттан тахсаат өрүһү туоруурга кутталлаах быһаарыы ылыммыттар. Эдэр ыаллар Дьокуускайтан Аллараа Бэстээххэ диэри сатыы өрүһү туораабыттар.
Барыллаан быһаарыынан, кыһыл оҕолоох ыал эбэҕэ дьону таһааччылар акаастаммыттарыттан таҕыспыттар. Быраабы араҥаччылыыр уорганнар дьиҥнээх төрүөтүн быһаарыахтара.
Бэрэбиэркэ кэмигэр дьону  таһааччылар үлэлэрин сыаналыахтара, онуоха хайдах төрүөт баарынан борокуратуура сөптөөх миэрэни ылыаҕа диэн Илин Сибиирдээҕи тырааныспар борокуратуурата иһитиннэрэр.