Кыһыл оҕолоох ыалы быыһаабыттар

Олунньу 22 күнүгэр киэһэ 22.13 чааска 112 нүөмэргэ кыһыл оҕолоох ыал массыынанан хаайтаран быыһыылларыгар тыллаабыттар.

Үс киһилээх ыал — аҕа, ийэ уонна 8 ыйдаах оҕо — Дьокуускайтан Маҕан диэки айаннаан испиттэр. Массыына халтарааҥҥа суол нөҥүө түспүт. Суотабай сибээс бу сиргэ хаппат эбит. Дьуһуурунай симиэнэ үлэһиттэрэ саахал буолбут сиригэр тахсыбыттар.

Түүн 00.46 чааска Дьокуускай куорат уокуруктааҕы дьаһалтатын аварийнай-быыһыыр этэрээтэ кыра оҕолоох ыалы булан быыһаатылар диэн иһитиннэрбиттэр. Бу туһунан Саха сиринээҕи Быыһыыр сулууспатын пресс-сулууспата суруйар.