Олунньу 22 күнүгэр Бырабыыталыстыба ситэриилээх былааһа Бүлүү улууһун Кыһыл Сыыр бөһүөлэгэр үлэлээтэ.
Бөһүөлэк нэһилиэнньэтин ахсаанынан улууска иккис сылдьар. Бүлүү өрүс үрдүгэр 1961 с. геологтар кыра бөһүөлэги туппуттара. Онон бөһүөлэк Орто Бүлүүтээҕи гаас конденсаттаах сиргэ олохсуйбута. 1974 с. оробуочай бөһүөлэк аатын ылан, социальнай эбийиэктэр тутуллубуттар. Билигин ол эбийиэктэр эргэрэннэр, саҥаны туруорсаллар. Төһө даҕаны
«Сахатранснефтегаз» уонна «ЯТЭК» курдук бөдөҥ хампаанньалар Кыһыл Сыырга баалларын үрдүнэн, бөһүөлэк датаассыйаҕа олорор.
Бүгүҥҥү күҥҥэ олох-дьаһах хаһаайыстыбатын хочуолунайдара эргэрбитэ, быстах дьайыыга сылдьар дьоҥҥо көмө, балыыһаҕа миэстэни эбии, сайыҥҥы уу ситимин тардыы курдук боппуруостар турдулар.
Бөһүөлэк улахан кыһалҕатынан, бүгүҥҥү мунньахха хаста да төхтүрүйэн туруорсубуттарынан сылыктаатахха, саҥа хочуолунайы туттарыы буолар.
Урут баһаарынай чаас начальнигынан үлэлээбит, билигин сынньалаҥҥа олорор Алексей Иванов баһаарынай чаас дьиэтин тутууну туруоруста. Кини эппитинэн, хаһыс да сылын эрэннэрэллэр эрээри, сырыы аайы кураанаҕы куустаралар эбит. Онуоха СӨ тутууга миниистирэ Павел Кылатчанов ити боппуруоска үп көрүллүбүтүн, икки бырайыак баарын, ааспыт сылга бырайыак бигэргэниэхтээҕин, куонкуруһун докумуона кыайтарбакка, хаалбытын эттэ. Бу күннэргэ куонкуруһу биллэрэн, үлэни саҕалыахпыт диэн бэлиэтээтэ.
Саха сиригэр мууска түспүт табаны быыһаатылар. Бу туһунан @sakhahunter телеграм-ханаал иһитиннэрэр. Трасса кытыытыгар көлүччэҕэ таба…
Быйыл биллэр хаһаайыстыбанньык, бэлитиичэскэй, судаарыстыбаннай, научнай, уопсастыбаннай диэйэтэл Лазарь Степанович Филиппов 85 сааһын туолла. Сүдү…
Үс сыл аннараа өттүгэр култуура салалтатын, нэһилиэк дьаһалтатын көҕүлээһинэн саҕыллан тахсыбыт "Оһуор үҥкүүтүн уруйдуубут!" тэрээһин…
Норуот суруйааччыта Наталья Михалева-Сайа алгыстаах сааһын «Барыта баар этэ...» диэн ымыылаах ырыа киэһэтинэн бэлиэтээри бэлэмнэнэр.…
Өрөспүүбүлүкэ бары храмнарыгар Пасхатааҕы сулууспалар буоллулар. Бу сырдык бырааһынньыгы көрсө Ил Дархан Айсен Николаев Преображенскай…
Өлүөнэ өрүскэ муус сүрүннээн өрөспүүбүлүкэ иһинэн Ленскэй оройуонунан уонна Иркутскай уобалас Киренскэй уобалаһынан устар. Бүгүн…