Күһүн Дьокуускайга «Чайковскай-фест.Якутск» бэстибээл буолуоҕа

Быйыл күһүн Саха сиригэр «Чайковскай-фест.Якутск» бэстибээл ыытыллыаҕа. Тэрээһиннэр алтынньы 17-31 күннэригэр буолуохтара.

Ол туһунан Култуураҕа уонна духуобунай сайдыыга министиэристибэтигэр иһитиннэрдилэр. Д.К. Сивцев-Суорун Омоллоон аатынан Опера уонна балет тыйаатырын бырайыага Бэрэсидьиэн култуурунай пуондатын Гранын куонкуруһун кыайыылааҕынан буолбута.

Бэстибээл улуу нуучча композитордарыттан биирдэстэрэ Петр Чайковскай төрөөбүтэ 185 сылыгар ананар. Бэстибээл чэрчитинэн көрөөччүлэр «Евгений Онегин уонна «Иоланта» опералары, ону тэҥэ «Лебединое озеро» уонна «Щелкунчик» балеттары көрүөхтэрэ. Сүрүн тэрээһининэн тыйаатыр репертуарыттан Чайковскай айымньыларынан бырааһынньыктааҕы гала-кэнсиэр буолуоҕа. Ону таһынан Опера уонна балет ускуустубатыгар аһаҕас лиэксийэлэр уонна маастар- кылаастар ыытыллаллара былааннанар.