“Күһүн көтөрү атаарыы” килииби сэргээҥ

Көмүс күһүн туһунан  төһөлөөх хомоҕой хоһоон хоһуйуллубута, ылбаҕай ырыа ылламмыта буолуой?

Оттон кимиэхэ эрэ курус, кимиэхэ эрэ уоскулаҥы аҕалар көмүс солотуулаах кэм туһунан килиип эмиэ кэтэһиилээх уонна сонун.

Бу “Күһүн көтөрү атаарыы” килииби Мэҥэ Хаҥалас улууһун култуураҕа уонна духуобунай сайдыыга управлениетын өйөбүлүнэн Ариян Пермяков устубут.  Саха төрүт үнүстүрүмүөннэрин ууһа, үҥкүү туруорааччы Прокопий Слепцов-Ойуун Борокуопай тылыгар уонна матыыбыгар  «Күһүн көтөрү атаарыы»  ырыаны Варвара Степанова-Арчыына толорбут. Дьүрүлү Семен Ченянов таҥмыт, кыл кылыһахха СӨ үтүөлээх артыыһа Анна Томская доҕуһуоллаабыт.