Кыһын саҕаланыытыгар кириибинэн ыалдьыы үрдүүрэ күүтүллэр

Чугастааҕы нэдиэлэлэргэ Арассыыйаҕа кириибинэн ыалдьыы күүскэ элбиирэ күүтүллэр, оттон эпидемия муҥутуур чыпчаала кыһын ортотугар буолуоҕа. Бу туһунан вирусологтар иһитиннэрэллэр.

Ыалдьыы бастакы долгуна дойдуну ахсынньыга хабыаҕа, оттон Саҥа дьыллааҕы бырааһынньыктар кэннилэриттэн ыалдьыбыттар ахсааннара биллэ элбиэн сөп. Идэлээх үлэһиттэр D тииптээх кириипкэ ураты болҕомтолорун уураллар. Бу кириип билиҥҥитэ сүрүннээн  сүөһүгэ тарҕанар, ол гынан баран, дьоҥҥо бэриллэр кыахтаах.

Билиҥҥитэ D кириибинэн ыалдьыы Арассыыйа олохтоохторугар бэлиэтэнэ илик, ол эрээри учуонайдар тарҕаммыт штаммнары ырытан көрөн, балаһыанньаны салгыы кэтииллэр, диэн «Московский комсомолец» иһитиннэрэр.

Быраастар санаталлар: ОРВИ уонна кириип дьыл кэмигэр көстөр чэпчэки ыарыы эрэ буолбатах. Сөптөөх эмтэниитэ суох ыарахан содуллаах буолуон сөп. Доруобуйаҕытыгар болҕомтолоох буолуҥ уонна сэрэтэр дьаһаллары умнумаҥ.