Кыһын үһүс кэрдииһигэр үктэннибит

Олунньу ый ортолоото. Күммүт уһаабыта, хойукка диэри сырдыга, күнүһүн күн тыган ааһара күүтүүлээх-кэтэһиилээх саас иһэрин туоһулуур. Кыһын үһүс кэрдииһигэр үктэннибит.

Олунньуга бу билгэлэри кэтээн көрүҥ:

• Олунньу 15 күнэ – тымныы лаппа сымныыр, кыһын сааһы көрсөр. Сарайга таммах чопчута үөскүүр.
• Олунньу 24 күнэ – тымныы оҕуһун баһа быстар, улахан тымныылар бүтэллэр, 44 дьыбар хаалар.
• Олунньу 28 күнэ – ый туолуута. Бу ый кыыллар сыбаайба оонньуур кэмнэрэ. Тэҥкэҕэ ымыы чыычаах мустар. Куйуурдууллар. Эһэ арҕаҕар биир эбэтэр икки оҕону төрөтөр. Көмнөҕү түһэрэр тыал түһэр.