Кыһыннары күөх үүнээйилээх оскуола

Горнай улууһун Атамай агро-оскуолатын үөрэнээччилэрэ кыһыннары күөх үүнээйини олордоллор.

2023 сыллаахха Ил Дархан гранын ылбыт «Агро-питомник» бырайыак чэрчитинэн Атамай оскуолатыгар микрозелень дьоҕус фермата үлэлиир.

Ижевскэй куораттан үлэһэн ылбыт икки стеллажтарыгар үөрэнээччилэр кыһыннары битэмииннээх брокколи, редиска, мицуна, кресс-салат, горох, уо.д.а. олордоллор. Стеллажтара толору «Өйдөөх ситим» нөҥүө бэйэтэ уу кутар, уотун холбуур, араарар буолан кыргыттар үөрэхтэригэр мэһэйдэппэттэр. Ону ааһан, үлэлэрин номнуо биисинэскэ кубулутан эбии дохуот киллэринэллэр. Аны сэлиэһинэй аҕыйах күннээх араскытыттан «Витграсс» эбии эбилик оҥорого үөрэнэллэр.

«Тыйыс айылҕалаах сиргэ олорон, битэмииннээх үүнээйини сиэн чөл туруктаах буолуохха» диэн үүнээйинэн дьарыгырар 9 кылаас кыргыттара Айтаана Павлова, Галя Стручкова, Ильза Иванова оҕолорго, дьоҥҥо-сэргэҕэ туһаайан этэллэр.

Татьяна Павлова,

Атамай, Горнай

ХаартыскаТ.Павлова түһэриилэрэ