СИА хаартыската.
Бу нэдиэлэ устата сэтинньи 27 күнүттэн ахсынньы 3 күнүгэр диэри үгэс буолбут «Кыһын Саха сириттэн саҕаланар» кыһыҥҥы туризм бэстибээлин биир сүрүн тэрээһинэ — муус уонна хаар оҥоһук күрэһэ.
Бу тэрээһиҥҥэ 2016 сылтан араас омук дьоно олус сөбүлээн кыттар. Быйыл норуоттар икки ардыларынааҕы «Саха сирин бриллианнара» муус уонна хаар оҥоһуктарга күрэстэһиигэ Арассыыйа эрэгийиэннэриттэн, Кытайтан уонна Монголияттан кэлэн кыттыахтара. Бу суолталаах тэрээһин бэстибээл бырагырааматыгар биир бастакынан киирбитэ. Уопсайа 29 сайаапкаттан дьүүллүүр сүбэ 20 хамаанданы талбыт. Кыттааччылар сайаапкаларын кытта бэйэлэрин эскиистэрин ыыппыттар. Өрөспүүбүлүкэ тас өтүттэн алта хааманда кэлэрэ күүтүллэр. Ол курдук, Монголия икки хамаанданы туруорар, Хабаровскай кыраай — икки, Тываттан уонна Бурятияттан биирдии хамаанда. Маны таһынан, мэрия пресс-сулууспата иһитиннэрбитинэн, дьүүллүүр сүбэҕэ Кытайтан норуоттар икки ардыларынааҕы хас да куонкурус лауреата, Харбиннааҕы хаар уонна муус оҥоһук бэстибээлин хас да төгүллээх суудьуйата Чжэн Цзиньнань кыттар. Саха сириттэн түөрт хамаанда — киин куораттан, уоннааҕылар — араас улуустан.
Бу хаар-муус оҥоһуктар ахсынньыга оҥоһуллан баран, саас дьон санаатын көнньүөрдэн, өргө диэри ууллубакка туран, киин куораты кэрэ көстүүлүүллэр.
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…
Бүгүҥҥү күн – наҕыл, сымнаҕас уонна дьиэҕэ-уокка чугас дьону кытта сынньанарга табыгастаах кэм. Ый Оҕус…
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…