Кыһыҥҥы билгэ
23.12.2023, 18:45
![](https://sakha-sire.ru/wp-content/uploads/2023/12/yasia.jpg)
СИА
Бөлөххө киир:
Кыһыҥҥы күн-дьыл билгэтин төһө билэҕитий? Ый туруору буоллаҕына, хайдах күн-дьыл үүнэр дииллэрий?
- Саҥа үүнэр ый туруору таҕыстаҕына — хаара суох, тымныы ый үүммүтүн бэлиэтэ.
- Саҥа ый иттэннэри эбэтэр сытыары буоллаҕына — былыттаах, хаардаах ичигэс ый үүнэрин билгэтэ.
- Халлааҥҥа сулустар бачыгырыы хойуутук чаҕылыҥнастахтарына — халлаан тымныйар.
- Кыһынын салгын соҕурууттан, арҕааттан ыллаҕына — тымныйар. Хотуттан, илинтэн салгыннаннаҕына — тыал, хаар түһэр.
- Хаар көмүрүөтэ элбэх буоллаҕына, уулаах, ардахтаах сайыны кэтэһэҕин.
- Ахсынньы — остуоруйа ыйа. Саамай тымныы ый.
- 9 — эһэ (кырдьаҕас) кытаанахтык утуйар, бөрө торҕоннуур.
- 12 — буурҕа түстэҕинэ, ахсынньы 19-гар диэри сэттэ хонуктаах силлиэ түһэр. Халлаан кыыстаҕына, тыал түһэр. Бары-барыта чуҥкуйар.
- 19 — күн кылгыырын уһуга.
- 21 — ый туолуута.
- 19-25 — кыһыҥҥы күн муҥутаан кылгыыр. Эргэ дьыл оройо.
- 26 — күн кутуйах хаамыытынан уһуур.
- 29 — кыраһа түстэҕинэ, ичигэс, тымныы күүһүрдэҕинэ — тохсунньу 19-гар диэри халлаан тымныйар.
- 31 — утуйбут түүн. Саҥа дьылы көрсүү. Амырыыннаах аам-даам тымныылаах ахсынньы ый ааһар.
А.А.Яковлев «Баай Барыылаах Байанайдан!» (2014 с.) кинигэтиттэн, «Саха ыалын халандаарыттан» («Бичик», 2015 с.).
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: