Хаартыска: Киин быыбардыыр хамыыһыйа тг-саайта.
2020 сыллаахха талыллыбыт баһылыктар уонна дьокутааттар үлэлиир болдьохторо бүппүтүнэн быйыл элбэх нэһилиэнньэлээх пууҥҥа араас таһымнаах быыбар ыытыллаары турар. Балаҕан ыйын 14 күнүгэр буолуохтаах быыбар хампаанньата саҕаланна!
Саха сиринээҕи Киин быыбардыыр хамыыһыйа иһитиннэрбитинэн, бэс ыйын 16 күнүнээҕи туругунан маннык поселениеларга баһылык быыбара ыытыллыаҕа. Амма улууһун Алтан, Мээндиги, Соморсун, Чапчылҕан, Бөтүҥ, Эмис нэһилиэктэригэр; Үөһээ Халыма Угольнинскай нэһилиэгэр; Горнай улууһун Бэрдьигэстээх нэһилиэгэр; Кэбээйи улууһун Тыайа нэһилиэгэр; Орто Наахара нэһилиэгэр (Ленскэй); Дьаҥхаады нэһилиэгэр (Мэҥэ Хаҥалас); Көбөкөн (Нам); Малдьаҕар (Ньурба); Өймөкөөн улууһун Аартык бөһүөлэгэр, Өймөкөөн, Төрүт, Үчүгэй нэһилиэктэргэ; Кириэстээх, Күүкэй нэһилиэктэргэ (Сунтаар); Байаҕантай нэһилиэгэр (Томпо).
Бу поселениеларга үгүстэригэр бэрэстэбиитэллээх уорганнарын дьокутааттарын быыбара эмиэ буолар. Холобур, Амма улууһун Алтан, Мээндиги, Соморсун, Чакыр, Чапчылҕан, Бөтүҥ, Эмис нэһилиэктэригэр; Үөһээ Халыма Угольнинскай нэһилиэгэр; Горнай улууһун Бэрдьигэстээх уонна Октябрьскай нэһилиэктэригэр; Көбөкөҥҥө, Партизаҥҥа (Нам); Өймөкөөн улууһун Аартык бөһүөлэгэр, Өймөкөөн, Төрүт, Үчүгэй нэһилиэктэргэ; Кириэстээх, Күүкэй нэһилиэктэргэ (Сунтаар).
Оттон Арассыыйаны ылан көрдөххө, 20 субъекка баһылыктарын талаары сылдьаллар. Арай Ненецкэй автономнай уокурукка субъект баһылыга РФ Бэрэсидьиэнин киллэриитинэн РФ субъегын законодательнай уорганынан талыллыаҕа.
11 субъекка законодательнай уорганнарын дьокутааттарын талыы буолуохтаах.
Оттон 25 субъекка киин куораттарын муниципальнай тэриллиилэрин бэрэстэбиитэллээх уорганнарын дьокутааттарын быыбара буолуоҕа.
Атырдьах ыйа – сайын бүтэһик ыйа. Халлаан сыыйа сөрүүдүйэн барар. Далбар хотуттар ый бүтүүтүттэн оҕуруот…
Бэс ыйын 30 күнэ. 2025 сыл. Бу сарсыардабыт түргэн-тарҕан хамсаныыттан саҕаламмыта. Сөрүүн сарсыарда Айталина ыаммытынан…
Иллэрээ күн, 2025 сыл атырдьах ыйын 31 күнүгэр Арассыыйа Бэрэсидьиэнэ Владимир Путин 529-с нүөмэрдээх Ыйаахха…
Айан-сырыы тарыыба барыбытын долгутар, таксыы эйгэтигэр монополистар бааллар, кинилэр сыананы талбыттарынан үрдэтэллэр. Быйыл сайын…
Бүгүн, 2025 сыл атырдьах ыйын 2 күнүгэр үөрэххэ ылыыга Хотугулуу-Илиҥҥи федеральнай университет тутар хамыыһыйатын бастакы…
Атырдьах ыйын 2 күнэ үүнэр түүнүгэр балыксыттар Ньурба куорат сөтүөлүүр сириттэн үс килэмиэтирдээх сиргэ Бүлүү…