Күһүҥҥү киһи күлбүтүнэн…

Балаҕан ыйын 18 күнүгэр Таатта улууһун Н.Е. Мординов-Амма Аччыгыйын аатынан Харбалаахтааҕы үөрэхтээһин холбоһугар «Күһүҥҥү киһи күлбүтүнэн…» диэн ааттаах сылын аайы ыытыллар тэрээһиммит үрдүк таһымҥа буолан ааста. Күнэ да үчүгэйэ бэрт.

Бастаан кылаастар бэйэлэрэ толкуйдаабыт араас нүөмэрдэринэн мустубут дьону эҕэрдэлээтилэр.
7 кылаастар олус үчүгэй авангарднай күһүҥҥү тиэмэҕэ үҥкүүнү кылааһынан көрдөрдүлэр.
Оҕо ускуустубатын фольклорнай кылааһын «Сыккыс» бөлөҕүн оҕолоро күһүнү дьүһүйэн хомустаатылар.
Оҕо хамсааһынын «Орто Амма Кэскилэ» актыбыыстара үҥкүүлээн, ыллаан эҕэрдэлээтилэр.
Атыы-эргиэн дьаарбаҥкатын иннигэр эгэлгэ араас күһүнү хоһуйар быыстапкалары сөҕө-махтайа көрдүбүт.
Тэрээһин бириэмэтигэр ыытыллыбыт күрэхтэр оҕуруот аһыгар «Саамай, саамай улахан…» уонна оҕуруот аһыгар «Саамай, саамай дьикти…» күрэхтэргэ биирдиилээн олус көхтөөхтүк кытыннылар.

Оҕуруот аһыгар «Саамай, саамай дьикти…» Слепцова Дияна 9 кылаас «Дьикти помидор» — 1 миэстэ, Оконешникова Уйгууна 3 кылаас. «Дьикти сүбүөкүлэ» — 2 миэстэ, бырааттыы-балыс Халыев Эрсан 8 кылаас, Халыева Эйнара 2 кылаас, «Дьикти хортуоскалар» — 3 миэстэ буоллулар.
Атыы-кутуу бэрт сэргэхтик ааста, элбэх учуутал, төрөппүттэр сонун астары атыылаһан, үөрдүлэр-көттүлэр.
Оҕуруот аһыгар «Саамай, саамай улахан…»:
Оконешникова Уйгууна 3 кылаас үөрэнээччитэ «Саамай, саамай улахан тыква» — 1 миэстэ, Васильева Саина 8 кылаас. «Саамай, саамай улахан помидор» — 2 миэстэ, 1 кылаас үөрэнээччилэрэ «Саамай, саамай улахан кабачок» — 3 миэстэ ыллылар.
Күһүҥҥү дьаарбаҥка түмүктүүр тэрээһининэн 5 кылаастары орто сүһүөхтэргэ киирбиттэринэн «Посвящение в пятиклассники» 6 кылаастар, Амгира Даниловна салайар кылааһа сүрдээҕин бэлэмнэнэн, олус үчүгэйдик ыыттылар. Маладьыастар!
Онон бу күн үгүс үөрүүлээх түгэни бэлэхтээн, тэрээһиннээхтик ааста.

Эмилия ФЕДОРОВА, 11 кылаас үөрэнээччитэ, Харбалаах