«Кыһыҥҥы Саха сирэ» оҕо хаартыскаларын уонна уруһуйдарын куонкуруһа биллэрилиннэ

Туризмы сайыннарыы ааҕыныстыбата «Кыһыҥҥы Саха сирэ» диэн оҕо хаартыскаларын уонна уруһуйдарын куонкуруһун биллэрдэ.

Күрэх «Кыһын Саха сириттэн саҕаланар» бэстибээл чэрчитинэн дойдуга Дьиэ кэргэн сылыгар ананар. Хаартыскалар уонна уруһуйдар куонкуруһугар 4 саастаах оҕолор кыттыахтарын сөп. Куонкурус кыайыылаахтарыгар уонна призердарыгар дипломнар уонна сыаналаах бириистэр туттарыллаллар. Кыттааччылар сэртипикээт ылыахтара.

«Ойуулуур- дьүһүннүүр ускуустуба уонна хаартыска нөҥүө куонкурус кыттыылаахтара Саха сирин үгэстэрин, сиэрин- туомун, дьикти айылҕатын көрдөрөллөр. Бу айар кут күрэхтэһиитэ эрэ буолбакка, оҕолор төрөөбүт дойдуларын кытта өссө дириҥник билсиһэллэригэр уонна таптыылларыгар кыах бэриллэр», — диэн Туризмы сайыннарыы уонна территориальнай маркетинг генеральнай дириэктэрэ Сивцев Спиридон эттэ. Куонкурус усулуобуйатын кытта бу сигэнэн билсиэххэ сөп: https://disk.yandex.ru/i/tALj7hftT9vFOw

Сайаапкалары бу сыл алтынньы 16 күнүттэн сэтинньи 24 күнүгэр диэри бу сигэнэ киирэн ыытаҕыт: https://forms.yandex.ru/u/670cb589d0468885ecd99651/. Бары ыйытыыларга билэср төлөпүөҥҥүт: 89247651126. Ону сэргэ ыйытыктар электроннай буостанан ылыллаллар: konkurs_artitm@mail.ru