Хаартыска: SakhaGov
Олоххо-дьаһахха наадалаах малы-салы айан суолунан тиэйии-таһыы кэмэ түмүктэнэн эрэр. Ол туһунан гражданскай оборона уонна эрэгийиэн нэһилиэнньэтигэр куттал суох буоларын хааччыйыы дьыалаларыгар миниистири солбуйааччы Никита Павлов быһа биэриигэ иһитиннэрдэ.
Кини эппитинэн, 656,0 тыһыынча туонна былаантан, 623,7 тыһыынча туонна хайыы-үйэ туһааннаах сиргэ тириэрдилиннэ.
Ураты болҕомто Арктика улуустарын хааччыйыыга ууруллар. Манна 214,1 тыһыынча туонна былааннаммытыттан 205,4 тыһыынча туонна (былаантан 95,9 %) тиэрдилиннэ.
Никита Павлов бэлиэтээн эппитинэн, кыһыҥҥы суолунан таһаҕаһы тиэрдиини айылҕа тыйыс усулуобуйата уустугурдар. Чуолаан, «Индигир», «Муома», «Дьааҥы» массыына суолларыгар тааҥ тахсар, ону таһынан Хотугу уонна Арктика улуустарыгар буурҕа түһэн, суолу ытыйар.
«Түгэнинэн туһанан, итинник харгыстары суһаллык туоратыыга ыарахан үлэни көрсөр суол сулууспаларыгар махтанабын. Кинилэр көхтөөх үлэлэринэн таһаҕаһы таһыы тэтимэ намтаабата”, — диэтэ миниистири солбуйааччы.
Кыһыҥҥы суол кэмигэр барыта 800-чэ тиэхиньикэ үлэлээтэ.
Бу күн халлаан куйаарыгар ураты энергия баар. Ый Кыыс бэлиэтигэр сылдьар. Бу бэлиэ бэрээдэги, чуолкайы, ырааһы…
Хаҥалас улууһун Мохсоҕоллоох бөһүөлэгэр бойобуой дьайыылар, локальнай сэриилэр, байыаннай дьайыы бэтэрээннэригэр анаммыт стела үөрүүлээх быһыыга-майгыга…
Тымныы түһэрин кытта гараастарга баһаар ахсаана элбиир. Аҥардас алтынньы саҕаланыаҕыттан Саха сиригэр 16 уот турбута…
2025 сыл үс кыбаарталын түмүгүнэн энергетиктар өрөспүүбүлүкэ Арбитражнай суутугар 662 мөлүйүөн солкуобайтан тахса суумалаах 502…
Алтынньы 19 күнүгэр Сахабыт сиригэр Ийэ күнэ бэлиэтэнэр. Ийэ күнүн көрсө киин куораппытыгар элбэх кэнсиэртэр…
Өлөөн улууһугар бэҕэһээ бөртөлүөт көтөн, сүппүт табалары булууга көмөлөстө. Бүгүн “Өлөөн” МУП зоотехнига Марина Николаева…