Күһүҥҥү сүүрдүүгэ Дьокуускай ата кыайда

Бүгүн, Судаарыстыбаннас күнүгэр Дьокуускайга АГАТУ ипподромугар ат сүүрдүүтүн сезонун сабар күрэхтэһии буолан ааста. СӨ Бырабыыталыстыбатын бэрэссэдээтэлин бирииһин иһин сүүрүүгэ Дьокуускайтан Айхал кыайда диэн СӨ Ил Дарханын уонна Бырабыыталыстыбатын дьаһалтатын пресс-сулууспата иһитиннэрэр.

Бу уһуҥҥа саха боруодалаах биэс ат сүүрдэ: Сунтаартан Дохсун, Амматтан Элэһин, Намтан Сулус, Бүлүүттэн Харачаас уонна Дьокуускайтан Айхал.

«Жокейдар үрдүк маастарыстыбаларын уонна кыайыыга дьулуурдарын көрдөрдүлэр, оттон аттар —  тулуурдарын, күүстэрин, кыахтарын», — диэн Кирилл Бычков санаатын эттэ.

Ат сүүрдүүтүн бырагырааматыгар алта дистанция киирдэ: Степан Аржаков аатынан бириис, Майлердар куубактара, Судаарыстыбаннас күнүгэр анаан, Тыа хаһаайыстыбатын министиэристибэтин бирииһрэ уонна саха боруодатын аттара. Турнир бирииһин уопсай пуондата — 5,4 мөл.солк.