Хаартыска: СӨ Ил Дарханын уонна Бырабыыталыстыбатын пресс-сулууспатын саайтыттан
Уһук хоту сытар Булуҥ улууһун Күһүүрүгэр саахалланар туруктаах хочуолунай оннугар саҥаны тутары былаанныыллар.
Саҥа хочуолунайы тутууну СӨ ОДьКХ тэрилтэтин 2024-2028 сс. инвестиционнай бырагырааматыгар киллэриэхтэрэ.
О туһунан ОДьКХ уонна энэргиэтикэ минииистирэ Вячеслав Емельянов Бырабыыталыстыба отчуотугар олохтоохтор иннилэригэр эттэ.
«Тундровай» хочуолунай 70-с сылларга тутуллубута, тиэхэньиичэскэй туруга мөлтөх. Итини таһынан турар сирэ эмиэ сөбө суох: сайыҥҥы өттүгэр акылаата тимирэр, кыһынын төттөрүтүн өрө анньан тахсар. Ити барыта хочуолунай оборудованиетын үөһэ-аллара хамсатар», – диэн эттэ Вячеслав Емельянов.
«Тундровай» хочуолунай ньиэп оттугунан барар, нэһилиэк олохтоохторун аҥаарын сылааһынан хааччыйар.
«2023 с. тиэхэньиичэскэй сорудаҕын саҕалыахпыт, онтон тохтоло суох сылааһынан хааччыйыыны, саҥа эбийиэктэри холбооһуну учуоттаан туран, бырайыактыыр-симиэтэлиир докумуону оҥоруохпут. Сирин-уотун састаабын учуоттаан, чинчийэр үлэни ыытары былаанныыбыт», – диэн быһаарда миниистир.
Ааспыт сылга Булуҥ улууһугар 2,49 км кэриҥэ инженернэй, ол иһигэр ититэр, уу уонна канализация ситимнэрэ өрөмүөннэммиттэрэ. Итини таһынан Быковскай сэлиэнньэтин хочуолунайыгар 2,0 МВт кыамталаах саҥа хочуолу, оттон Бороҕоҥҥо КСВ-1,1 ЛЖ хочуолу өрөмүөннээбиттэрэ.
СӨ Ил Дарханын уонна Бырабыыталыстыбатын пресс-сулууспата
Түүл туһунан тугу билэбитий? Киһи түүлүн 90 бырыһыанын умнар уонна 10 бырыһыанын эрэ өйдөөн хаалар.…
Бүгүн кэпсэтэр байыаһым Аҕа дойду көмүскэлин ытык иэһинэн ааҕар Үөһээ Бүлүүттэн төрүттээх “Боха” диэн позывнойдаах…
Байанай – баай хара тыа иччитэ, ойуур, көтөр-сүүрэр таҥарата. Кинини былыргы сахалар олус үөрүнньэҥ, кэһии…
Сылбыт элэҥнээн ааһа охсон, номнуо бүтэһик ый – ахсынньы үүннэ. Саҥа сылга диэри ыйы кыайбат…
Аатырбыт-сураҕырбыт, норуот тапталын ылбыт “Туймаада” судаарыстыбаннай вокальнай ансаамбыл дириэктэрэ, уус-уран салайааччыта, СӨ ускуустубатын үтүөлээх диэйэтэлэ …
Бүгүн, ахсынньы 7 күнүгэр, "Россия 24" телеханаалга 19.00 ч . ГТРК «Саха» бырайыагын — "Вместе…