Кыл Бастаах аттынан өрүс киртийиитин туһунан

Хаҥалас улууһун Покровскай куорат Кыл Бастаах диэн сирин аттынан Өлүөнэ өрүскэ кирдээх күүгэн уста сылдьарын видеоҕа устан социальнай ситимнэргэ тарҕаммыт төрүөтүнэн бэрэбиэркэ оҥоһуллар. Экологияны кэтээн көрөр Хаҥаластааҕы судаарыстыбаннай иниспиэксийэ миэстэтигэр тиийэн уу боруобатын ылан бэрэбиэркэ оҥорор.

Халаан уутугар ойоҕос үрэхтэргэ, үрүйэлэргэ уу сүүрүгэ түргэтиирин түмүгэр, алларааҥҥы харгыларга уу күүгэннирэр уонна ол күүгэҥҥэ ойуур бөҕүн-сыыһын сорҕото хаалара үгүстүк бэлиэтэнэр.

Лабораторнай чинчийии түмүгэр өрүс киртийбитэ билиннэҕинэ, сөптөөх миэрэлэр ылыллыахтара.