Кылаас салайааччыларыгар, куратордарга көрүллэр ыйдааҕы төлөбүр үрдээтэ

Дойду бэрэсидьиэнин сорудаҕынан, 100 тыһ. кыра нэһилиэнньэлээх пууннаар оскуолаларын кылаас салайааччыларыгар, кэллиэстэрин, тиэхиньикумнарын бөлөхтөрүн куратордарыгар ыйдааҕы көрүллэр төлөбүр кээмэйэ икки бүк эбилиннэ. Бу туһунан Үөрэх уонна билим министиэристибэтэ иһитиннэрэр.  

Кулун тутар 1 күнүттэн ыйдааҕы төлөбүр кээмэйэ 5 тыһ. солк. 10 тыһ. солк. диэри үрдээтэ. Манна анаан быйыл дойду хааһынатыттан 3 млрд. солк. кэриҥэ үп көрүллүбүт.

Итини таһынан, балаҕан ыйын 1 күнүттэн 5 тыһ. солк. ыйдааҕы эбилиги оскуола, кэллиэс дириэктэрдэрин иитэр үлэҕэ сүбэһиттэрэ ылыахтара.