Хаартыска: pnp.ru
Дойду Бырабыыталыстыбатыгар кылаас салайааччыларыгар хамнаска эбии төлөбүрдэрин икки төгүл улаатыннарар санаалаахтар. Маны кытта «Земскэй учуутал» бырагыраама кыттыылаахтарыгар төлөбүр кээмэйин эмиэ биллэрдик улаатыннары былаанныыллар.
100 тыһ. диэри нэһилиэнньэлээх куораттар уонна нэһилиэктэр кэллиэстэрин бөлөх куратордарыгар уонна кылаас салайааччыларыгар хамнаһы таһынан эбии төлөбүр кээмэйин улаатыннарыахтара. Билигин кылаас салайааччыларыгар хамнаһы таһынан эбии 5 тыһ. солк. төлөнөр. Оттон бу ыйтан төлөбүр кээмэйэ 10 тыһ. солк. диэри улаатыаҕа. Уураах барыла Бырабыыталыстыба нуормалыыр-быраап аакталарын бырайыактарын порталыгар таҕыста диэн «Объясняем.рф» суруйар.
Санаттахха, Владимир Путин бырабыыталыстыбаҕа 2026 с.диэри учууталларга хамнас ааҕыытын саҥа ньыматын оҥорорго сорудахтаабыта.
Маны таһынан дойду Бырабыыталыстыбатыгар «Земскэй учуутал» бырайыак кыттыылаахтарыгар төлөбүр кээмэйин улаатыннарарга этии киллэрдилэр. Билигин тыа сиригэр уонна оройуон кииннэригэр үлэлиир учууталлар Уһук Илин уокурукка 2 мөл. солк. кээмэйдээх биир кэмнээх төлөбүр ылар бырааптаахтар. Оттон «Земскэй учуутал» бырагыраамаҕа саҥа уларыйыы киирдэҕинэ, Уһук Илин уокурукка улэлиир учууталларга 3 мөл. солк. аныахтара.
Билигин бырагыраамаҕа 50 тыһ. диэри нэһилиэнньэлээх тыа сиригэр уонна кыра куораттарга көһөн кэлбит учууталлар кытталлар. Оттон бырагыраамаҕа уларыйдаҕына, 100 тыһ. диэри нэһилиэнньэлээх нэһилиэктэри киллэриэхтэрэ.
«Земскэй учуутал» бырагыраамаҕа 55-гэр диэри саастаах орто идэлээх эбэтэр үрдүк үөрэхтээх учууталлар кыттыахтарын сөп. Кинилэр тыа сиригэр биэс сылтан итэҕэһэ суох дуогабар түһэрсэн үлэлиэхтээхтэр. Ону кытта үөрэх ноҕурууската нэдиэлэҕэ 18 чаас буолуохтаах.
Аны туран бырагыраамаҕа кыттар учууталлар үлэлиир кэмнэригэр олорор дьиэнэн хааччыйыыны федеральнай таһымҥа бигэргэтэр наадалааҕын ыйдылар. Оттон 7 эбэтэр 10 сыл оскуолаҕа үлэлии хаалбыт учууталларга олорор дьиэни приватизациялыыр кыах бэриллиэҕэ.
От ыйын 9 күнүгэр киэһэ хойут Саха сирин быыһааччылара тыаҕa муммут 85 саастаах киһини көрдүү…
Хаҥалас улууһун борокуратууратын бэрэбиэркэтин түмүгэр, улуус дьаһалтата бэдэрээччиккэ успуорт былаһааккатын тутууга аспаал-бетон бүрүөһүнүн тэлгээһин уонна…
От ыйын 9 күнүгэр Дьокуускай куорат сиригэр-уотугар 9 суол саахала бэлиэтэннэ, онтон бииригэр биир киһи…
Саха сиригэр сир аһын маассабайдык хомуйуу болдьоҕо бигэргэннэ. Ол курдук, от ыйын 10 күнүттэн хас…
Сэрэдэҕэ, от ыйын 9 күнүгэр, Саха сиригэр 5 буруйу оҥоруу тахсыбыта бэлиэтэммит. Бу туһунан СӨ…
«Медведь» позывнойдаах Алексей Петров РФ Бэрэсидьиэнэ Владимир Путин 2025 сыл от ыйын 6 күнүнээҕи Ыйааҕынан…