Кылаастан үүрүллүбүт инбэлиит оҕоҕо толуйуу быһыытынан 100 000 солк. төлөннө

Дьокуускай куорат борокуратуурата мөлтөхтүк саҥарар оҕолор Өрөспүүбүлүкэтээҕи (коррекционнай) интэринээт-оскуола үөрэнээччитигэр тыйыс сыһыаннарын туһунан иһитиннэриинэн бэрэбиэркэ ыытта.

Бу туһунан СӨ Борокуратуурата иһитиннэрэр.

Борокуратуура быһаарбытынан, 2024 сыл сэтинньи 22 күнүгэр доруобуйатыгар хааччахтаах бастакы кылаас үөрэнээччитин, уруок кэмигэр тьютор күүһүнэн кылаастан үүрэн таһаарбыт, оҕо тахсарыгар муостаҕа охтубут. Бэрэбиэркэ көрдөрөрүнэн, сокуоннай сааһын туола илик оҕо эт-хаан эчэйиитин ылбыт уонна хаҥас саннын силгэтэ ууммут.

Борокуратуура бу иһитиннэриинэн дьаһал ылбыт, ол түмүгэр буруйдаах үлэһит үлэтиттэн уһуллубут, оҕоҕо борокуруор ирдэбилигэр олоҕуран, 100 тыһ. солк. толуйуу оҥоһуллубут.