Быйыл Национальнай бэчээт күнүгэр суруналыыстыка эйгэтигэр В.В. Никифоров-Күлүмнүүр аатынан судаарыстыбаннай бириэмийэни «Саха сирэ» өрөспүүбүлүкэтээҕи хаһыат бэтэрээн үлэһитэ Иван Ксенофонтовка-Силигигэ туттардылар.
Иван Иванович 1984 сылтан кырдьаҕас «Кыымҥа» саха суруналыыстыкатын атаҕар туруорсубут суруналыыстары кытта бииргэ үлэлээн, кинилэр оскуолаларыгар уһаарыллыбыта, билигин да айа-тута үлэлиир. Саха суруналыыстыкатын түмэлин арыйан үлэлэтэр, кинигэлэри суруйар, хаһыат иһинэн «Манчаары» сыһыарыыны таһаарар.
Саха сиригэр Национальнай бэчээт күнэ от ыйын 1 күнүгэр 2020 сылтан бэлиэтэнэр. Бу күн 1907 сыллаахха “Саха дойдута” диэн сахалыы бастакы уопсастыбаннай-бэлитиичэскэй уонна литературнай хаһыат күн сирин көрбүтэ. Сахалыы хаһыат тахсарыгар оччотооҕу кэм интеллигенциятын лиидэрэ Василий Никифоров-Күлүмнүүр уонна кинини кытта биир санаалаахтар Всеволод Ионов, Михаил Сабунаев, Николай Афанасьев, Афанасий Уваровскай, Петр Кушнарев уонна да атыттар таһаарыылаахтык үлэлээбиттэрэ. Ол курдук кинилэр көҕүлээһиннэринэн уонна быһаччы кыттыыларынан саха тылынан типография шрибэ оҥоһуллубута, анал бэчээттиир тэрил атыылаһыллыбыта. Онон кэнники “Саха олоҕо”, “Саха саҥата” хаһыаттар тахсалларыгар суол аһыллыбыта.
Бу күн суруналыыстарга судаарыстыбаннай наҕараадалары туттардылар. Надежда Аргунова СӨ үтүөлээх суруналыыһын аатын ылла. Евгений Петров «Гражданскай килбиэн» бэлиэнэн наҕараадаланна. Амма Аччыгыйын аатынан Литературнай бириэмийэни оҕо суруйааччыта Евдокия Иринцеева-Огдо тутта.
Маны тэҥэ, Ил Дархан Махтал суругун «Сахамедиа» холдинг кэлэктиибигэр туттардылар.
Мэҥэ Хаҥалас улууһа урукку сэбиэскэй кэмтэн нэһилиэктэринэн культура уонна спорт бэстибээлин ыытар үтүө үгэстээх. Майа…
Дьокуускай мээрэ Евгений Григорьев уонна «Яндекс» хампаанньа эрэгийиэннэри кытта үлэлээһиҥҥэ дириэктэрэ Антон Москаленков бииргэ үлэлээһиҥҥэ…
Бүтэһик чуораан чугдаарбытын, эксээмэннэри туттарбыт кэннэ ороскуоттаах бырааһынньыктар саҕаланаллар. Бу бырааһынньыктарга бэлэмнэнии сыл инниттэн саҕаланар.…
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…