Бүгүн, Саха сирин Судаарыстыбаннаһын күнэ — Саха сирин чулуу уолаттарын ахтан-санаан ааһар күн.
Бу күн Саха сирин интэллигиэнсийэтин лиидэрэ, уһулуччулаах бэлитиичэскэй-уопсастыбаннай диэйэтэл, кыраайы үөрэппит учуонай, экэнэмиис, суруйааччы, Саха сирин норуота култуура, духуобунас уонна өй-санаа өттүнэн сайдарыгар улахан кулаатын киллэрбит Василий Васильевич Никифоров-Күлүмнүүр пааматынньыгар мустан кини үрдүк аатыгар сүгүрүйдүлэр, сибэкки дьөрбөтүн уурдулар.
Эҕэрдэ тылы этии СӨ Судаарыстыбаннай мунньаҕын (Ил Түмэн) бэрэссэдээтэлин бастакы солбуйааччы Александр Николаевич Жирковтан саҕаланна.
“Саха сирин Судаарыстыбаннаһын быйыл ыгыттарыылаах кэмҥэ бэлиэтиибит. Ол да буоллар, нууччалар өс хоһоонноругар этиллэринии, “биһиги да уулуссабытыгар бырааһынньык буолуоҕа”. Билиҥҥи балаһыанньа ирдэбиллэрин бүттүүн ытык иэспит курдук ылынар буоллахпытына, бөҕө уонна кыайыылаах буолуохпут. Оннук сананыах уонна дьаһаныах тустаахпыт. Атын суол суох… Биһиги өрөспүүбүлүкэбит судаарыстыбаннаһын харыстыахтаахпыт уонна сайыннарыахтаахпыт. Судаарыстыбаннас норуоту түмэр, норуот тыыннаах хааларыгар, сайдарыгар төһүү күүс буолар”, — диэн бүгүҥҥү күнүнэн эҕэрдэлээтэ.
Ону таһынан СӨ Дьиэ-уот, коммунальнай хаһаайыстыба уонна энергетикэ миниистирэ Вячеслав Емельянов, Уус Алдан улууһун баһылыга Алексей Федотов, Саха сирин суруйааччыларын ассоциацияларын бэрэссэдээтэлэ Олег Сидоров, ХИФУ төрдүс кууруһун устудьуона Добун Иванов эҕэрдэлээтилэр. Кинилэр бары эдэр көлүөнэ ыччат санаатын түһэрбэтигэр, саха норуотун чулуу уолаттарын суолларын дьоһуннаахтык салҕыылларыгар баҕа санааларын эттилэр.
Василий Никифоров-Күлүмнүүр аймахтарын аатыттан тыл эппит Любовь Никифорова бэйэтин эҕэрдэтигэр куорат биир уулуссатыгар Күлүмнүүр аатын иҥэрэргэ уонна соҕотох уол ийэтин, репрессия сиэртибэтэ буолбут Күлүмнүүр аймаҕын быһыытынан, билиҥҥи дьалхааннаах кэмҥэ Саха сирин эдэр ыччатын туох кыалларынан харыстыырга көрдөстө.
Хаҥаласка ИДьМ отделыгар олохтоох киһи массыынатын солуонуттан 40 000 солк. сүппүтүн туһунан иһитиннэрбит. Холуобунай ирдэбил…
Өлүөнэ өрүһү туоратар сүрүн паромнар салгыы үлэлииллэр. Алтынньы 31 күнүнээҕи туругунан, «Дьокуускай-Аллараа Бэстээх» хайысханан буксирынан…
Горнай улууһун Атамай нэһилиэгэр оскуола үөрэнээччилэригэр аналлаах "Эдэр баһаарынай" диэн олус интэриэһинэй уонна туһалаах тэрээһин…
Аһыырбытыгар сыһыаннаах сиэр-туом туһунан билэҕин, истибитиҥ дуо? Тугу билиэхтээх, тутуһуохтаах эбиппитий? Айыы үөрэҕэ тугу этэрий,…
Алтынньы саҥатынааҕы туругунан, өрөспүүбүлүкэҕэ байыаннай эпэрээссийэлэр кыттыылаахтарыгар уонна байыаннай сулууспалаахтар дьиэ кэргэттэригэр 651 сир учаастага…
Тыал, сиик, онтон тоҥоруу төһө даҕаны сыл ахсын хатыланнар, дьон таҥаһын-сабын көрүммэккэ, киһилии харыстаммакка тымныйар,…