Хаартыска: СИА
Бэс ыйын 20-21 күннэригэр муҥутуур уһун күн үүнэр. Бу кэмҥэ Күн күүһэ улахан, сахалар Айыылар Сиргэ чугаһыыллар диэн өйдүүллэр. Бэс ыйын 22 күнүттэн күммүт уһуна 1 мүнүүтэнэн кылгаата. Мантан ыла, дьэ, күммүт кылгаан иһэр.
Бэс ыйын 23 күнүгэр Дьокуускайга Күн 2 чаас 30 мүнүүтэҕэ тахсар, 10 чаас 16 мүнүүтэҕэ киирэр. Ол эбэтэр, күн уһуна — 19 чаас 46 мүнүүтэ. Манна эбэн эттэххэ, арҕаа улуустарга, холобур, Сунтаарга күн 55 мүнүүтэнэн хойутаан, 3 чаас 25 мүнүүтэҕэ тахсар, ол эрээри, Дьокуускайы кытта биир чааһы тутуһар. Хотугулуу илин диэки 1-2 чаас араастаһар улуустар бааллар.
Бастаан биирдии-иккилии мүнүүтэнэн кылгыыр. Бэс ыйын 30 күнүгэр Күн 2 чаас 36 мүнүүтэҕэ тахсар, киэһэ 10 чаас 13 мүнүүтэҕэ киирэр. Күн уһуна — 19 чаас 37 мүнүүтэ. Ол эбэтэр, күммүт номнуо 9 мүнүүтэнэн кылгыыр.
От ыйын 15 күнүгэр Күн 3 чаас 5 мүнүүтэҕэ тахсар, киэһэ 6 чаас 44 мүнүүтэҕэ киирэр. Күн уһуна — 18 чаас 44 мүнүүтэ. Бу кэмҥэ түүн номнуо хараҥарар буолар.
От ыйын 30 күнүгэр Күн 3 чаас 43 мүнүүтэҕэ тахсар, киэһэ 9 чаас 12 мүнүүтэҕэ киирэр. Күн уһуна — 17 чаас 28 мүнүүтэ. Ытыс таһынар хараҥа түүннэр үүнэллэр.
Атырдьах ыйын 10 күнүгэр 4 чаас 13 мүнүүтэҕэ тахсар, киэһэ 8 чаас 40 мүнүүтэҕэ киирэр. Күн уһуна — 16 чаас 26 мүнүүтэ.
Сайын бүтүүтэ, атырдьах ыйын 30 күнүгэр, Күн 5 чаас 07 мүнүүтэҕэ тахсар, киэһэ 7 чаас 40 мүнүүтэҕэ киирэр. Күн уһуна — 12 чаас 21 мүнүүтэ, ол эбэтэр, 7 чаас 25 мүнүүтэнэн кылгыыр.
Бу курдук кылгаан-кылгаан, балаҕан ыйын 21 күнүгэр сырдык-хараҥа тэҥнэһиитэ буолар (12-лии чаас), онтон ахсынньы 21 күнүгэр диэри салгыы кылгыыр. Бу күн муҥутуур кылгас күн бэлиэтэнэр.
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…
Бүгүҥҥү күн – наҕыл, сымнаҕас уонна дьиэҕэ-уокка чугас дьону кытта сынньанарга табыгастаах кэм. Ый Оҕус…