Күммүт төһө кылгаата?

Балаҕан ыйын 20-21 күннэригэр сырдык-хараҥа тэҥнэһиитэ буолбута. Бу кэнниттэн ахсынньы 21 күнүгэр диэри күммүт кылгыы турар.

Балаҕан ыйын 22 күнүттэн күммүт уһуна 2,5 чааһынан кылгаата. Алтынньы 21 күнүгэр Дьокуускайга Күн  сарсыарда 7 чаас 21 мүнүүтэҕэ тахсар, киэһэлик 16 чаас 51 мүнүүтэҕэ киирэр. Ол эбэтэр, күн уһуна — 9 чаас 30 мүнүүтэ. Киэһэ эрдэ хараҥарар буолбута биллэр буолла.

Мантан салгыы күммүт ат бөтөрөҥүнэн, ол эбэтэр, күн аайы 5-6-лыы мүнүүтэнэн кылгаан барыаҕа.

Онтон ахсынньы 21 күнүгэр —  муҥутаан кылгыыр кэмигэр, күн уһуна 5 чаас 7 мүнүүтэҕэ тэҥнэһиэҕэ. Ол аата өссө икки ый иһигэр 4 чаастан ордук кэмҥэ кылгыахтаах.

Саҥа Дьылга диэри 72 хонук хаалла.