Хаартыскаҕа Андрей Сорокин түһэриитэ, СИА
Саха сирин Ил Дархана Айсен Николаев Туймаада Ыһыаҕар «Кымыс — айыы аһа» куонкурус-бэстибээлгэ биэ үүтүттэн оҥоһуллар саха төрүт утаҕын сыаналаата.
Бу бэстибээл 2016 сылтан ыытыллар. Маннык куонкурустар көмөлөрүнэн кымыһы оҥоруу үгэстэрин сүтэрбэккэ илдьэ сылдьабыт. Ол түмүгэр технология тупсар. Биллэрин курдук, Саха сирэ Арассыыйа эрэгийиэннэрин ортолоругар сылгы ахсаанынан инники күөҥҥэ иһэр. 2023 сыл түмүгүнэн өрөспүүбүлүкэҕэ сылгытын 14 % тиксэр»,— диэтэ Айсен Николаев.
Хаҥалас улууһун Улахан Аан сэл. «Бөртө» сылгы собуотун дириэктэрэ Александр Павлов кымыһы иһиини куруук тэнитиэххэ диэн этэр. Александр Васильевич бэлиэтииринэн, кыттааччы элбээн иһэр.
Быйыл куонкуруска Хаҥалас, Нам, Амма, Мэҥэ Хаҥалас, Таатта, Горнай, Уус Алдан, Горнай оройуоннарыттан уонна Дьокуускайтан 11 хаһаайыстыба кытынна. Үгэс курдук «Кымыһы оҥоруу төрүт үгэстэрин илдьэ сылдьыы», » Быыстапка миэстэтин киэргэтии», «Оҥорон таһаарыыны көрдөрүү»номинациялар олохтонуохтара.
Быйыл өссө «Кымысчыттар династиялара», «Кымыһы оҥоруу кээмэйинэн лиидэр» номинациялар баар буоллулар.
Горнай улууһун Бэс Күөлүттэн Валерий Иванович Федоров дьиэ кэргэнин ырысыабынан кымыс оҥорор. Кини аҕата Иван Петрович Федоров 50 тахса сыл кымыс оҥорор. Былырыын Федоров хаһаайыстыбата куонкуруска аан бастаан кыттаат, үһүс миэстэни ылбыта.
Уус Алдан улууһун Бээрийэ сэл. «Турантаева М.П» бааһынай хаһаайыстыбата куонкурска тохсус төгүлүн кыттар. Былырыын бастыҥ оҥорон таһаарааччы презентациятыгар бастаабыта.
Бүгүҥҥү куонкурус кыайыылаахтарын бириистэр күүтэллэр. Бастакы миэстэҕэ 300 тыһ.солк. бэриллиэҕэ, иккискэ — 250 тыһыынча солк., үһүскэ — 200 тыһ.солк.
Куонурус-бэстибээли тэрийээччи «Туймаада» агрохолдинг парады, кымыһы амсайыыны, бириистээх викторинаны тэрийдэ.
Саха Өрөспүүбүлүкэтин Ил Дарханын уонна Саха Өрһспүүбүлүкэтин Бырабыыталыстыбатын пресс-сулууспата
Кыстатыам бибилэтиэкэтигэр Александр Сергеевич Пушкин уонна нуучча тылын күнүгэр аналлаах "Пушкин күнэ" бэлиэтэннэ. Тэрээһиҥҥэ "Эврика"…
Хаһыаты ааҕан баран, Агафия Винокурова хорсун-хоодуот байыаска анаан маннык хоһоон суруйбут. Санатан эттэххэ, хаһыакка уонна…
Бүгүн, бэс ыйын 7 күнүгэр, Өрөспүүбүлүкэ болуоссатыгар саҥа ыал буолуу официальнай регистрацията ыытылынна. Аһаҕас халлаан…
Мэҥэ Хаҥалас улууһун быраастара түөрт саастаах оҕо баттах туттарары (заколканы) ыйыстыбытын быыһаатылар. Оҕо тугу эмэ…
Нэһилиэк түмэлин үлэһиттэрин көҕүлээһиннэринэн Пионерия күнүгэр аналлаах үгэскэ кубулуйбут сэргэх тэрээһин буолан ааста. Бу дойду…
Бу күннэргэ Дьокуускайга М.Ф. Габышев аатынан омук дойдуларын ускуустубаларын галереятыгар «Кырдьаҕас маастар кэпсээннэрэ. Чааһынай кэлиэксийэттэн…