Күн-дьыл билгэтэ: балаҕан ыйын 27 күнэ

Бүгүн, балаҕан ыйын 27 күнүгэр, өрөспүүбүлүкэ баһыйар үгүс өттүгэр кыралаан ардыаҕа. Хотугулуу-арҕаа уонна Халыма-Индигир оройуоннарыгар сөҥүү түһэрэ күүтүллүбэт.

Салгын температурата күнүс +7+12°С, соҕуруулуу-илин +14+19°С, хоту уонна хотугулуу-арҕаа  +1+6°С кыраадыс сылаас буолуоҕа.

Сарсын-өйүүн хоту оройуоннарга сорох сиринэн инчэҕэй хаар, Халымаҕа, соҕуруулуу-илин ардах, инчэҕэй хаар түһүөҕэ.

Балаҕан ыйын 29 күнүгэр  Өлөөҥҥө,  Мииринэйгэ, Эдьигээҥҥэ инчэҕэй хаар түһэрэ сабаҕаланар.