Күн-дьыл туруга: ардах, хоту инчэҕэй хаар, хаһыҥ түһэр

Саха сирин синоптиктара бүгүн, бэс ыйын 18 күнүгэр,  хоту инчэҕэй хаар, арҕаа улуустарынан ардах, сорох сиринэн этиҥнээх ардах түһэрин билгэлииллэр.

Бу туһунан УГМС саайта иһитиннэрэр.  Өрөспүүбүлүкэ соҕуруулуу-илин, илин улустарынан ардыыр, соҕуруу самыырдыыр, хотугулуу-арҕаа инчэҕэй хаар, күнүс соҕуруулуу-арҕаа оройуоннарынан быстах ардыыр, этиҥнэх ардаах түһэр.

Кыра тыаллаах, этиҥнээх ардах кэмигэр сөкүүндэҕэ 15-18 м. түргэннээх тыаллаах.

Алдан, Нерюнгри, Ленскэй, Үөһээ Халыма улуустарынан 11 мм уонна онтон элбэх сөҥүүлээх ардах түһэр.

Салгын температурата түүн +2+7°, илин улуустарынан, соҕуруулуу-арҕаа, Бүлүү өрүс кытылынан -4,+1°, хаһыҥ түһэр. Күнүс салгын температурата  +12+17°, соҕуруулуу-арҕаа +18+23°, хоту +7+12°, Арктика кытылынан 0,+5° кыраадыс сылаас.

Дьокуускайга салгын температурата түүн +3+5°, күнүс +18+20° кыраадыс сылаас, түүн сөҥүүтэ суох, күнүс быстах ардахтыыр. Хотугулуу-арҕааттан сөкүүндэҕэ 2-3 м. түргэннээх тыаллаах.