Күн-дьыл туруга: быстах ардах, инчэҕэй хаар, силлиэ тыал

Синоптиктар билгэлииллэринэн бүгүн, ыам ыйын 25 күнүгэр, хоту улуустарынан сөҥүүтэ суох, атын улуустарынан ардыыр, сорох сиринэн инчэҕэй хаар түһэр, соҕуруулуу-арҕаа +28° кыраадыска диэри сылыйар.

Бүлүү бөлөх улуустарыгар, Ленскэйгэ, Өлүөхүмэҕэ, Халыма-Индигиир оройуоннарыгар сөҥүүтэ  суох, атын оройуоннарынан ардыыр, сорох сиринэн инчэҕэй хаар түһэр, хоту инчэҕэй хаардаах ардах түһэр,  соҕуруу уонна киин улуустарынан быстах ардахтыыр, сөкүүндэҕэ 15 м. түргэннээх тыаллаах.

Кэбээйигэ сөкүүндэҕэ 15-20 м. түргэннээх силлиэ тыаллаах, Анаабыр, Булуҥҥа сөкүүндэҕэ 18-23 м.  түргэннээх күүстээх тыаллаах.

Салгын температурата түүн +5+10°, арҕаа, илин 0,+5°, хоту, хотугулуу-арҕаа -4,+1°, күнүс +13+18°, хоту уонна Өлүөнэ алын тардыытынан +2+7°, Халыма-Индигиир улуустарынан +20+25°, соҕуруулуу-арҕаа +28°, хотугулуу-арҕаа +3+8° кыраадыс сылаас.

Дьокуускайга салгын температурата түүн +5+7°, күнүс +13+15° кыраадыс сылаас,  түүн, сарсыарда быстах ардахтыыр, хотугулуу-арҕааттан сөкүүндэҕэ 4-9 м. түргэннээх тыаллаах, ардыгар сөкүүндэҕэ 9-14 м. түргэннээх күүстэх тыаллаах.