Күн-дьыл туруга: этиҥнээх ардах, инчэҕэй хаар уонна +23°

Күнү-дьылы кэтээн көрөөччүлэр туох дииллэрий? 

Өрөспүүбүлүкэ хоту, хотугулуу-илин өттүгэр кыралаан ардыыр, сорох сиринэн инчэҕэй хаардаах, соҕуруу, илин диэки быстах ардахтаах, күнүс сорох сирдэринэн этиҥнэниэ диэн күнү-дьылы кэтээн көрөөччүлэр иһитиннэрэллэр. Арктическай оройуоннарга тыаллаах, этиҥнээх ардахха сөкүүндэҕэ 15-20 м түргэннээх тыалырыа.  Түүн +7+12°, арҕаа, хотугулуу-арҕаа +2+7°, халлаан дьайҕардаҕына сорох сиринэн  -3°. Күнүс +19+24°, киин улуустарга ардаатаҕына +13+18°, хоту +8+13°, сорох сиринэн +4+9°.

Дьокуускайга күнүс +21+23°, сөҥүүтэ суох, хотугулуу-арҕааттан сөкүүндэҕэ 5-10 м тыаллаах.