Күн дьыл туруга: хоту этиҥнээх ардах, киин улуустарга күнүс +25…+27° кыраадыс сылаас

Өрөспүүбүлүкэҕэ бүгүн, ыам ыйын 28 күнүгэр Өлөөн, Мииринэй, Ленскэй оройуоннарынан ардыыр. Эдьигээн, Өлүөхүмэ, Бүлүү улуустарынан быстах этиҥнээх ардах түһэр. Бу туһунан УГМС иһитиннэрэр.

Анаабыр, Булуҥ, Өлөөн, Мииринэй, Ленскэй, Эдьигээн, Кэбээйи оройуоннарынан этиҥнээх ардах кэмигэр сөкүүндэҕэ 18-23 м. түргэннээх күүстээх силлиэ тыал түһэр, киин улуустарынан сөкүүндэҕэ 15-17 м. түргэннээх тыалырыа.

Салгын температурата түүн +4+9°, соҕуруу +9+14°, хотугулуу-арҕаа, хотугулуу-илин -2,+3°, күнүс киин улуустарынан, хотугулуу-илин, соҕуруу +25+30° кыраадыс сылаас, атын оройуоннарынан +15+20°, хотугулууу-арҕаа +2+7° кыраадыс.

Дьокуускайга салгын температурата түүн +6+8°, күнүс +25+27° кыраадыс сылаас. Сөҥүүтэ суох, соҕуруулуу-илинтэн сөкүүндэҕэ 3-8 м. түргэннээх тыаллаах,  күнүс  сөкүүндэҕэ 8-13 м. түргэннээх тыал түһүө.