Күн-дьыл туруга: инчэҕэй хаар уонна +30°

Бу күннэргэ күн-дьыл туруга хайдах эбитий?

Күнү-дьылы кэтээн көрөөччүлэр иһитиннэрбиттэринэн, өрөспүүбүлүкэ арҕаа, соҕуруу, киин улуустарыгар, Дьааҥыга быстах ардахтаах буолуо, сорох сиринэн этиҥнэниэ. Арктическай оройуоннарга сорох сиринэн кыралаан ардыа, кытылынан инчэҕэй хаардаах буолуо, тыалырыа. Түүн +9+14°, халлаан дьайҕардаҕына +4+9°, хотугулуу-илин халлаан дьайҕардаҕына -2,+3°. Күнүс +17+22°, соҕуруулуу-арҕаа +23+28°, соҕуруу диэки +30° кыраадыска диэри сылыйар, хоту оройуоннарга +11+16°.

Дьокуускайга күнүс +17+19°. Сарсыарда, күнүс кыратык ардыан сөп, соҕуруулуу-илинтэн сөкүүндэҕэ 5-10 м түргэннээх тыаллаах.