Күн-дьыл туруга: олунньу 7 күнэ

Бу күннэргэ күн-дьыл туруга хайдаҕый? Дьокуускайдааҕы гидрометеорология управлениета туох диирий?

Өрөспүүбүлүкэ хотугулуу-арҕаа, хоту өттүгэр кыралаан хаардыыр. Анаабырга, Булуҥҥа соҕуруулуу-арҕааттан сөкүүндэҕэ 17-22 м тиийэ тыалырыа. Өрөспүүбүлүкэ соҕуруу өттүгэр хоту диэкиттэн сөкүүндэҕэ 9-14 м. тиийэ тыалырыан сөп. Атын сирдэргэ тымныы, сарсыардатын сорох нэһилиэнньэлээх пууннарга туманнаах. Түүнүн -39-44° тиийэ тымныйар, хотугулуу-илин -43-48°, Өймөкөөҥҥө -49-54°, соҕуруу -32-37°, хотугулуу-арҕаа -21-26°. Күнүс -28-33°, хотугулуу-илин -33-36°, Өймөкөөҥҥө -44-49°, соҕуруу диэки -24-26°, хотугулуу-арҕаа -18-23°.

Дьокуускайга күнүс -30-32°. Хаар түһэрэ күүтүллүбэт, соҕуруулуу-арҕааттан сөкүүндэҕэ 1-5 м түргэннээх тыалырар.