Күн-дьыл туруга: сарсын эмиэ куйаас…

Саха сиринээҕи гидрометеокиин иһитиннэрбитинэн, сарсын, от ыйын 23 күнүгэр, Дьокуускайга уонна сорох кэккэ улуустарга куйаас күн турара күүтүллэр. 

Киин куоракка түүнүн  +15… +17  сылаас буоллаҕына, күнүһүн  +30… +32 буолар. Ардаабат.  Киин уонна хотугулуу-илин улуустарга күнүһүн  +27… +32, арҕаа  +22… +27 буолара күүтүллэр. Ардах түһэр кэмигэр +18… +23 сылаас буолуоҕа.  Хаҥалас, Амма, Чурапчы, Уус Маайа, Алдан, Нерюнгри, Томпо, Өймөкөөн, Муома улуустарыгар этиҥнээх буолуо, сөкүүндэҕэ 15-20 м түргэннээх тыал түһүө.