Күн-дьыл туруга: сэтинньи 6 күнэ

Күн-дьыл туруга бу күннэргэ хайдаҕый? Күнү-дьылы кэтээн көрөөччүлэр туох диэтилэр?

Өрөспүүбүлүкэ хотугулуу-арҕаа, арҕаа, соҕуруулуу-арҕаа улуустарыгар тыаллаах. Халымаҕа кыралаан хаардыыр. Арҕаа, соҕуруулуу-арҕаа улуустарга сөкүүндэҕэ 9-14 м тыалырар. Өлүөнэ алын тардыытынан уонна түүн хотугулуу-арҕаа сорох сирдэринэн сөкүүндэҕэ 15-19 м диэри тыаллаах, Анаабыр, Булуҥ улуустарыгар сөкүүндэҕэ 19-24 м диэри тыалырар. Түүн -24-29°, илин уонна хоту улуустарга -29-34°, Дьааҥыга, Өймөкөөҥҥө -34-39°, арҕаа, хотугулуу-арҕаа -11-16°, соҕуруулуу-арҕаа -6-11°. Күнүс -17-22°, илин уонна хоту -23-28°, Өймөкөөҥҥө уонна Дьааҥыга -25-30°, арҕаа уонна хотугулуу-арҕаа -8-13°, соҕуруулуу-арҕаа 0,-5°.