Күн-дьыл туруга: сорох улуустарга -52° кыраадыска тиийэ тымныйыа

Күн-дьыл туруга бу күннэргэ хайдаҕый? 

Өрөспүүбүлүкэ соҕуруулуу-арҕаа өттүгэр, Халыма-Индигиир оройуоннарыгар кыралаан хаардыыр. Киин улуустарга сорох сиринэн туманнаах буолуо. Соҕуруулуу-арҕаа, кытылынан сөкүүндэҕэ 9-14 м тиийэ түргэннээх тыаллаах буолара күүтүллэр диэн күнү-дьылы кэтээн көрөөччүлэр иһитиннэрэллэр.

Түүн -42-47°, арҕаа -31-36, хоту намыһах сирдэргэ -47-52°, күнүс -35-40°, арҕаа -30-35°, хотугулуу-арҕаа -41-46°, намыһах сирдэргэ -45-50°, Халымаҕа түүн уонна күнүс -25-30°, дьайҕардаҕына -35-40°.

Дьокуускайга түүн -38-40°, күнүс -35-37°. Кыра хаардаах, сарсыарда туманнаах. Арҕааттан сөкүүндэҕэ 2-5 м тиийэ түргэннээх тыаллаах.