Күн-дьыл туруга: сорох улуустарга -54° кыраадыска тиийэ тымныйыа

Бу күннэргэ күн-дьыл туруга хайдаҕый? 

Соҕуруулуу-арҕаа, илин улуустарга, Халымаҕа, Өймөкөөҥҥө кыра хаардаах буолара күүтүллэр. Арктика кытылынан сорох сиринэн сөкүүндэҕэ 9-14 м , сорох сиринэн 16-21 м тиийэ тыалырар. Түүн -42-47°, намыһах сиринэн -49-54°, Халымаҕа -33-38°, соҕуруулуу-арҕаа -30-35°. Күнүс -40-45°, соҕуруулуу-арҕаа, Халымаҕа, Өймөкөөҥҥө -22-27°, Аллараа Халыма улууһугар -3-8°.

Дьокуускайга түүн -43-45°, күнүс -39-41°. Кыра хаардаах, түүн, сарсыарда туманнаах. Соҕуруулуу-арҕааттан сөкүүндэҕэ 1-4 м тиийэ тыалырыа.