Күн-дьыл туруга: ахсынньы 23 күнэ

Бу күннэргэ күн-дьыл туруга хайдаҕый? Тыалырар дуо? Төһө тымныы буоларый?

Арктика кытылынан сорох сирдэринэн кыра хаардаах буолуо. Киин, арҕаа улуустарга туманнаныа. Арктика кытылынан сорох сиринэн сөкүүндэҕэ 29-34 м тиийэ түргэннээх күүстээх тыаллаах, буурҕалаах буолуо диэн күнү-дьылы кэтээн көрөөччүлэр иһитиннэрэллэр. Түүн -45-50°, намыһах сиринэн -50-55°, хаардаатаҕына -38-43°, соҕуруулуу-арҕаа диэки улуустарга -33-38°, кытылга -24-29°. Күнүс -43-48°, намыһах сиринэн -48-53°, арҕаа -35-40°, соҕуруу диэки хаардаатаҕына -28-33°, кытылга -21-26°, сорох сиринэн -13-18°.

Дьокуускайга түүн -46-48°, күнүс -43-45°. Туманнаах, соҕуруулуу-арҕааттан сөкүүндэҕэ 1-3 м түргэннээх тыаллаах.