Күн устата икки оҕону массыыналар түҥнэри көттүлэр

Балаҕан ыйын 16 күнүгэр Дьокуускайга икки оҕону массыыналар түҥнэри көттүлэр — Каландаришвили уулусса Ленин проспегын кытта быһа охсуһуутугар уонна Сэргэлээхтиир суолга. Эмсэҕэлээбит оҕолор биэс уонна 11 саастаахтар диэн Госавтоинспекция иһитиннэрэр.

Суол быһа охсуһуутугар саахал күнүс буолбут. 39 саастаах суоппар Hyundai Starex массыынаны ыытан иһэн, 30 уонна 11 саастаах дьону түҥнэри көппүт. Кинилэр пешеходунан светофор күөх уота тыган турдаҕына туораабыттар. Саахал түмүгэр оҕо эчэйэн, госпитализациялаабыттар.

Оттон киэһэ Сэргэлээхтиир суолга 57 саастаах суоппар Toyota Allion массыынаны ыытан иһэн биэс саастаах уол оҕону түҥнэри көппүт. Оҕо киһи суолу туорууругар анамматах сиринэн  туораан испит.