Күн кутталлаах чааһа Сир диэки хайыста

Күн 4197 нүөмэрдээх куттааллах чааһа Сир диэки хайыста, диэн РНА Космос чинчийиилэрин институтун (КЧИ) Күн астрономиятын лабораторията  ТГ-ханаалыгар иһитиннэрдэ. Бу туһунан РИА новости суруйар.

«Түргэнник улаатан иһэрэ уонна ураты улахан кээмэйэ аан дойду бары космос күнүн-дьылын кэтээн көрөр кииннэрин болҕомтолорун тардар. 4197 нүөмэрдээх күн чааһа бүгүн түүн күн киин меридианыгар, ол эбэтэр чопчу “Күн — Сир” лииньийэтигэр таҕыста.

Онон чугастааҕы икки суукка устата Сиргэ улахан кутталы үөскэтэр», — диэн учуонайдар бэлиэтээтилэр. Бу күн чааһыгар Beta-Gamma-Delta категорияны иҥэрдилэр — бу Күҥҥэ баар бэлиэлэр бөлөхтөрүн кээмэйдэринэн уонна уустуктарынан саамай үрдүк таһыма буолар. Учуонайдар быһаарбыттарынан, бу көстүүлэр энергия мунньуллар системалаах бырассыаһын уларытыахтарын сөп. Маннык бырассыас үксүгэр ураты бөдөҥ күн  эстиилэрин иннинэ буолар эбит. Учуонайдар эбэн эппиттэринэн, аан дойду ааҕыныстыбалара X диэн саамай үрдүк бааллаах Күҥҥэ эстиилэр бу сайыҥҥы саамай үрдүк сабаҕалааһыннарын туруордулар, сорох сыанабылларынан ол 60-80 бырыһыаҥҥа тиийэр.