Олунньу 16 күнүгэр Күн оһуокайа өрөспүүбүлүкэтээҕи күрэс оҕолоро (бырайыак ааптара Дархан этээччи Сахаайта Мойтохонова) Арчы дьиэтигэр кэлэн «Оһуокай» уопсастыба этээччилэрин кытары көрүстүлэр.
Оҕолор кэлээт да алгыска сырыттылар. Ол кэнниттэн оһуокайдыыр түһүлгэҕэ атах тэпсэн олорон оһуокайдьыттары кытары ирэ-хоро кэпсэттилэр. Өрөспүүбүлүкэтээҕи «Оһуокай» уопсастыба бэрэссэдээтэлэ Александр Джурович Данилов 2012 сыллаахха тэрийсибит, ыыппыт бырайыагын Гиннес оһуокайын мэтириэт хаартыскатыттан саҕалаан, Дархан этээччи Марта Николаева көрсүһүүнү саҕалаата.
Оһуокай сүппэт, умнуллубат, норуот үҥкүүтүн быһыытынан Гиннес рекордугар киириитигэр биһиги салайааччыбыт Александр Джурович улахан өҥөлөөҕүн сыаналаан туран,оҕолор бу историческай оһуокайы билэллэригэр суолтатын быһааран кэпсээтэ. Көрсүһүү кыттыылаахтара, Аар Дархан этээччи С.И.Черноградскай, Дархан этээччи «Күн оҕолоро» бырайыак наставнига Кураһаай Мэхээлэ, үтүөлээх этээччилэр М.Бассанова, Г.Харлампьев оҕолорго оһуокай уратытын,бэйэлэрэ хайдах оһуокайга кэлбиттэрин кэпсээтилэр.
Бу күрэххэ биир үөрүүлээҕэ Дархан этээччибит Лариса Николаевна Иванова сиэнэ Кэскил Иванов, үтүөлээх этээччибит Мария Павловна Афанасьева үөрэнээччитэ Василиса Фокинова, Саргылаана Алексеевна Васильева үөрэнээччитэ Хатастан кытта сылдьаллар эбит. Өссө да элбэх этээччи үөрэнээччитэ баара буолуо, ити мин ыйыталаһан кэпсэппит оҕолорбун бэлиэтээн эттим.
Бырайыак ааптара Сахаайта Мойтохонова этэринэн, күрэскэ 45 оҕо кытта сылдьарыттан иккис туурга 30 оҕо киирбит. Бүтэһик түһүмэххэ олунньу 25 күнүгэр биэс оҕо сүрүн бириис — сүүс тыһыынча кыайыылааҕа буолуоҕа. Оҕолор «Бэс чагда» лааҕырга олорон оһуокай дьарыгын таһынан эмтэнэллэр,сүрүн предметтэригэр математикаҕа,нуучча тылыгар үөрэнэллэр.
Бүгүҥҥү көрсүһүү кэнниттэн оһуокай түһүлгэтин Кураһаай Мэхээлэ уонна Хаҥаластан, Покровскай куорат үөрэнээччитэ Сайаан Берсаев эттэ. Лааҕыр олоҕор эмиэ биир күн умнуллубаттык ааста.
Марта Николаева
Тохсунньу 17-18 күннэригэр Дьокуускайга «Триумф» успуорт уораҕайыгар чэпчэки атлетикаҕа Саха сирин кыһыҥҥы чөмпүйэнээтэ ыытыллыаҕа. Күрэхтэһии…
Нам сэлиэнньэтин Уопсастыбанньыктар дьиэлэригэр бойобуой дьайыылар бэтэрээннэрин икки ардыларыгар корнхолга бастакы турнир ыытылынна. «Тохсунньу томороон…
Тымныы күн-дьыл турбутунан, Горнай, Нам, Хаҥалас уонна Чурапчы улуустарыгар муниципалитеттар икки ардыларынааҕы оптуобус сырыыта быстах…
«Буратино» киинэ уопсай хомуура 1,5 млрд солкуобайы куоһарда. Бу Киинэ пуондатын Биир кэлим автоматизированнай информационнай…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы Ангелина Васильева-Дайыына "Тайах оҕото"…
Өрөспүүбүлүкэҕэ эми-тому атыылаһыыга уонна тарҕатыыга сыһыаннаах эмп-том хааччыйыытын ньымалара тохсунньу 9 күнүгэр СӨ Ил Дархана…