Хаартысканы Марта Николаева тиксэрдэ
Бүгүн, олунньу 9 күнүгэр, «Саха» НКИХ дьиэтигэр бырайыак ааптара, Дархан этээччи, Ил Дархан Оһуокайга стипендиата Сахаайта Мойтохонова ыҥырыытынан «Оһуокай» түмсүүтүттэн бара сырыттыбыт.
Ол курдук, үтүөлээх этээччи Геннадий Харлампьев үһүс, Айыы Уолана Алаас, үтүөлээх этээччи Аграфена Герасимова, Тааттаттан Дархан этээччи Афанасий Попов буолан бара сырыттыбыт. Уһуйааччыларынан биһиги кэскиллээх этээччилэрбит, үтүөлээх этээччилэр Розанна Герасимова, Вера Цыпандина-Куличкина, Мария Иванова о.д.а. үлэлии сылдьаллар. Мин Намтан үтүөлээх этээччи Вера Прокопьевна Цыпандина-Куличкина үөрэтэр оҕолоругар түбэстим. Вера Прокопьевнаҕа Хаҥаластан Сайаан Бардеев, Сунтаар Түбэйиттэн Тимур Петров, Кэбээйи Мастааҕыттан Каролина Саввина дьарыктана сылдьаллар.
Сарсын үһүс түһүмэххэ өс хоһооннорунан үс мүнүүтэҕэ хоһуйуохтаахтар эбит. Вера Прокопьевна өс хоһооннор суолталарын быһааран биэрдэ. Тэтэрээттэригэр тутатына хоһуйан суруйа оҕустулар. Үһүөн онус кылаас үөрэнээччилэрэ. Сайаан Бардеев 2024 сыллаахха СР Правительствотын үөрэнээччилэргэ күрэҕэр ситиһиилээхтик кыттыбыта. Оҕолорго олус долгуйбакка, санааларын түһэрбэккэ этэллэригэр сүбэлээтим. Кылыһаҕа да суох этиэххэ сөп дуо диэн ыйытыыга, элбэхтик эттэххэ бэйэтэ тахсар, онон тутатына хоһуйаргыт быһыытынан, норуот Оһуокайа буоларынан дьон ылынар тылынан судургутук этиҥ диэн сүбэлээтим. Этэн истэххит аайы тылгыт-өскүт аһыллан иһиэ диэн эттим. Үөрэрим диэн, оҕолор ис дууһаларыттан тардыһан кэлэн дьарыктана сылдьалларыттан астынным. Быйыл сүүс оҕо кэлэн дьарыктана сылдьар эбит.
Марта Николаева
Олунньу 7 күһүгэр Кэбээйи улууһун Мукучу нэһилиэгин "Дэриэбинэчээн" норуот тыйаатыра Бүлүү куоратыгар Марк Жирков аатынан…
2026 сылтан байыаннай дьайыы кыттыылаахтара Арассыыйа социальнай пуондаларын доруобуйаны чөлүгэр түһэрэр кииннэригэр барар айаннарын төлөбүрүн…
Дьокуускайга олунньу ортотто VolgaBas мааркалаах 50 саҥа оптуобус маршуттарга тахсыаҕа. 40 саҥа суоппар үлэлиирэ күүтүллэр.…
Сорох үүнээйи, оҕуруот аһын сиэмэлэрин ыһыы болдьоҕо хайыы үйэ кэллэ. Өлгөм үүнүүнү ыларга арассаадаҕа олордуллар…
Анал байыаннай дьайыы саҕаламмыта төрдүс сылыгар барда. Бу сыллар тухары Саха сирин олохтоохторо, түмсүүлэр, хамсааһыннар,…
Аҕа дойдуну көмүскээччи кэргэнигэр, оҕо күүтэр дьахтарга бэриллэр босуобуйа суумата олунньу 1 күнүттэн үрдээтэ. Бу…