Хаартыскалары Марта Николаева тиксэрдэ
АГИКИ үөрэх кыһата каникул кэмигэр үөрэнээччилэргэ, эбии үөрэхтээһин педагогтарыгар, фольклор учууталларыгар Күн оһуокайын үөрэтии ньымаларыгар анал куурус ыыта сылдьар.
Үөрэҕи Саха сиригэр киэҥник биллэр Дархан этээччи, СӨ култууратын уонна үөрэҕириитин туйгуна, АГИКИ преподавателэ Сахайта Михайловна Мойтохонова ыытар. Манна куораттан, Мэҥэ Хаҥаластан, Үөһээ Бүлүүттэн кэлэн үөрэнэ сылдьаллар. Практическай чаастарга этээччилэр кэлэн маастар-уруок ыыталлар. Мин бүгүн Сахаайта Михайловна ыҥырыытынан тиийэн көрсүһэн, үҥкүү тылын этээччилэр тустарынан кинигэбин кэпсээтим. Оһуокайдьыт бастатан туран, оһуокайга сүрэҕин тардыһыытынан сылдьар. Үҥкүү тылын этээччилэртэн бэйэтэ холобур туттар киһилээх буолуохтаах. Мин СӨ култууратын үтүөлээх үлэһитэ Мария Ивановна Егоровнаны-Тойуктаах Маайаны олус астына, сөбүлүү көрөрүм. Куолаһын астынарым таһынан, мэлдьи сахалыы маанытык таҥнар үҥкүү этээччитэ этэ. Кинилиин элбэхтик алтыһан бииргэ сылдьыбытым.
Үгэһи тутуһан, оҕолордуун оһуокайдаатым, олус үчүгэйдик батыһан үҥкүүлүүллэриттэн сүргэм олус көтөҕүлүннэ.
Салгыы оҕолор, кууруска үөрэнэ кэлбит дьоннуун Сахаайта Михайловна сорудаҕынан тема талан, тутатына хоһуйарга дьарыктана хааллылар.
Марта Николаева
Бүгүн, балаҕан ыйын 8 күнүгэр, Саха сиригэр 8 чаастан Арассыыйа Өрөгөйүн ырыатынан куоластааһын ыытыллар 176…
Төрөөбүт күҥҥүнэн, Дьокуускай! Дьокуускай -- биһиги өрөспүүбүлүкэбит тэбэр сүрэҕэ, манна устуоруйа уонна аныгы кэм, үгэстэр…
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…