«Күндээдэ» үс звенота окко киирэн эрэр
![](https://sakha-sire.ru/wp-content/uploads/2024/07/alaas-1-1060x596.jpg)
Өрөспүүбүлүкэ хаһаайыстыбалара, биирдиилээн моой отчуттара окко киирэн эрэллэр.
— Быйыл Ньурба улууһугар “Күндээдэ” агрофирма 1250 т оту чөкөтүөҕэ. 704 хороҕор муостааҕы, 300 сыспай сиэллээҕи иитэбит. Хаһаайыстыбабытыгар 40-ча үлэһиттээхпит. Билигин үс звенобут окко киирэн эрэр. От үүнүүтүн туһунан этэр буоллахха, үрдүк сиргэ аһыҥа баар. Сииктээх өттө үчүгэй. Сыл аайы кыах тиийэринэн тиэхиньикэбитин саҥардабыт. 1-дии МТЗ-82, 1 –дии пресс-подборщигы ылабыт. Агрофирма 3 туонна курдук үүтү ыыр. 8 ыанньыксыттаахпыт, 2 бостууктаахпыт, 2 сылгыһыттаахпыт, 2 субан сүөһүнү көрөөччүлээхпит. Ньирэй көрөөччүлэрбит үһүөлэр. Тыа сиригэр ыччат тардыһыан баҕарабын. Тыабыт сирин сайыннарыахпытын наада, — диир зоотехник Алексей Аллахинов.
Таарыйа аҕыннахха, Алексей Олегович зоотехниктар өрөспүүбүлүкэтээҕи куонкурустарыгар 1 Тоҕус нэһилиэгин сылгыһыта Егоров Степан Петрович аатынан бириэмийэни ылар чиэскэ тиксибитэ.
Сообщить об опечатке
Текст, который будет отправлен нашим редакторам: