Хаартыска Ньурба улууһун телеграм-канаалыттан
Ардай аһыылаахтар баалларын биллэрэ тураллар. Быйыл Ньурба улууһун Күндээдэтин ордук буулаатылар. Ол эрээри уопуттаах бөрөһүттэр ардай аһыылаахтары, төһө кыалларынан, бултуу сатыыллар.
«Ол курдук, бэҕэһээ Күндээдэ булчуттара 6-с бөрөлөрүн бултаатылар. Хапкааҥҥа иҥнэн баран, куоппут адьырҕаны дьаныһан туран хас да күн сырсыбыттар. Күндээдэҕэ бөрөлөр элбэх сылгыны тардыбыттарынан сибээстээн, нэһилиэккэ ыксаллаах быһыы-майгы биллэриллэн турар», — диэн Ньурба улууһун дьаһалтатын телеграм-канаалыгар этиллэр.
Күндээдэ нэһилиэгин дьаһалтатыгар тыа хаһаайыстыбатын исписэлииһэ Игорь Саввиновка төлөпүөнүгэр эрийэн ыйыталаспыппытыгар: «Булчуттарбыт алтыс бөрөлөрүн «охтордулар». Барыта 14 сылгыны сиэтилэр, бу өссө чуолкай ааҕыы буолбатах. Атын ыраах сиргэ өссө хайдаҕа биллибэт. Нэһилиэк дьаһалтата булчуттарга бэнсиининэн, хапкаанынан уонна кыһыл таҥаһы атыылаһыыга көмөлөстө. Барыты 20-чэ хапкаан иитиллэн сытар. Биир бөрө туһахха иҥнэн баран, чэҥҥээйитин соспутунан барбыт этэ. Тибиилээх буолан ир суолун ирдэппэтэ эрээри, ханна эрэ сойдо ини диэн эрэнэбит. Биир бөрө туһаҕы быһан барбыт этэ«, — диэн кэпсээтэ.
Өссө икки нэһилиэнньэлээх пууҥҥа гаас киллэриитэ былааннанарын туһунан, Бырабыыталыстыба отчуотугар Амма улууһугар үлэлиир оробуочай бөлөҕү…
ЫБММ Саха сиринээҕи управлениета иһитиннэрбитинэн, бүгүн, олунньу 5 күнүгэр, 15:05 ч. Баһаарынай-быыһыыр сулууспаҕа массыына умайан…
“Уһук Илиҥҥи федеральнай уокурукка табыгастаах куортам дьиэтэ” бырагыраама иитинэн 1003 кыбартыыраны тутуохтара. Бу туһунан «Центр…
Тыллары сайыннарар Сэбиэт мунньаҕар Айсен Николаев судаарыстыбаннай уонна өрөспүүбүлүкэ официальнай тылларын чөл хаалларар, сайыннарар судаарыстыбаннай…
Бу күннэргэ Өймөкөөн улууһугар тырааныспар уонна суол хаһаайыстыбатын миниистирэ Владимир Сивцев салайар бөлөҕө ситэриилээх былаас…
2024 сылга "Олохтоох каадырдары - бырамыысыланнаска" бырагырааманан Горнай улууһун 188 олохтооҕо үлэ булла. Бу туһунан…